Kenjebaev Beısenbaı (1904-1987) – ádebıet zertteýshisi, synshy, jazýshy, aýdarmashy, fılologıalyq ǵylym doktory, profesor. Ol Abaı murasyn zertteýge aıtarlyqtaı úles qosty. 1923 j. Tashkentte basylǵan «Abaı shyǵarmalarynyń jınaǵyna syn» («Eńbekshi qazaq», 1925, 28 shilde), «Abaı týraly pikirler» («Ádebıet maıdany», 1935, №1, 2, 153-158-bb.), «Abaı aqyn» («Lenınshil jas», 1945 j. 15 tamyz), «Qazaq ádebıetiniń danyshpan atasy» («Komýnıs», 1949, №7), «Qazaq realısik ádebıetiniń negizin salýshy» (Abaıdyń ómiri men tvorchestvosy. – Almaty, 1954), «Abaı óleńderiniń uıqasy týraly» («Vestnık AN KazSSR», 1954, №9). «Ádil synasaıyq» («Qazaq ádebıeti», 1955, 23 qyrkúıek), «Abaı – qazaq halqynyń jańa ádebıetiniń negizin salýshy» (Ýchenye zapıskı KazGý. – AlmaAta, 1955. – T. 1. 96-b.). «Qazaq óleńiniń qurylysy týraly» (Almaty, 1955), «Túr jáne dástúr» («Qazaq ádebıeti», 1956, 24 aqpan), «Qazaq halqynyńHHǵasyr basyndaǵyjazýshylary» (Almaty, 1958), «Abaı Qunanbaev» («Qazaq ádebıeti tarıhynyń máseleleri». – Almaty, 1973), t.b. ǵylymı-zertteý maqalalar men kitaptarynda Abaıdyń ómiri men shyǵarmashylyq eńbegin keńinen taldaıdy. Óleńderiniń ózindik órnegin, mazmuny men kórkemdik erekshelikterin saralaıdy. Abaı jaıly jazylǵan syn eńbekterin qorytyp, jańa baılamdar jasaıdy.