Álem arenalaryndaǵy shabytty shaıqasynyń arqasynda abyroıy «Shalquıryq» shabyspen zaýlaǵan Genamyz bizdiń búgingi maqtanyshymyz. Onyń árbir jeńisi Qazaqstannyń kezekti jarnamasy dese de bolǵandaı. Kári qurlyqtyń jasy da kárisi de Qazaqstannyń saıası kartasyn bilmesede Genadııdiń «Made in Kazakhstan» ekenin biledi. Bul jaǵdaı álemde jer kóleminen 9-shy oryndaǵy eldi álem aldynda jarnamalaýda 1-shi oryn alatynyna senimim mol. Kópkórim eldiń aldynda kók baıryǵymyzdyń kólbeńdegeni kóńil qýantady. Memleketaralyq deńgeıdegi sportshymyz Memlekettik rámizderimizdiń Eýropadaǵy nasıhatshysy. Eýropa Qazaqstandy óz sanasynda jasaǵan jalǵan beınesin Borattaı borkemiktermen emes bolattaı berik balýandary arqyly tanı bastady. Ol úshin alǵystan basqa aıtarymyz joq. Jaraısyń Gena! Áńgime aýany basqada. Isi qazaqqa «ıilmes batyr» retinde tanylǵan bokserimizdiń ıyǵyna jamylǵan shapanyn qazaqtikine uqsata almaı-aq qoıdyq. Jarys saıyn jaýyrynan qonaqtaǵan shapannyń nazar jyǵa qaraǵan adam poshymy ózimizdiki bolǵanymen «poshıvi» ózgeniki ekenin ańdaıdy. Shapan jaǵalaı qonǵan oıý-órnekterdiń qazaq qolónerine úsh qaınasa sorpasy qosylmaıdy. Naqtysy qaı ulttyń dúnıesi ekeni tanymasaq ta qazaqtiki emes ekenin ajyrata alar saýaty bárinde bolýy kerek, Vkontakte áleýmettik jelisinde Genanyń jankúıerleri osy turǵyda pikirtalas ótkizipti. Otansúıgish azamattar aramyzda júr eken. Sol pikirlerden úzindi:
Daýka Daýtqazy:
«Dostar, óz chempıonymyzǵa syılyq jasasaq qalaı oılaısyzdar? Oǵan óz ulttyq oıý-órnegimizben kómkerilgen keremet shapan syıǵa tartsaq. Shama kelgenshe qarjylaı jınaıyq ta Genanyń ózin kórmesek te berip jibereıik.»
Igor Alekseev:
«Jaqsy ıdeıa.»
Jannur Tuńǵatarov:
«Bul shapandaǵy órnekterdiń qazaqtyki emes ekenin Samuryq qazynaǵa bolmasa Baqtıar Artaev pen Mehmetov Aıdarǵa jetkizý kerek.»
Daýka Daýtqazy:
«Bul shapandy laýazymdy tulǵalar emes, qaıta jankúıerleri syılaý kerek. Olar syılasa kezekti syıdyń reti dep qabyldanady. Qysqasy meni túsindińder dep oılaımyn.»
Adilet Jańabaev:
«Jańa shapannyń keregi ne? Tek qazaqtiki bolý shart pa? Aıtpaqshy onda GGG- degen áripter aǵylshynsha, múmkin sony da alyp tastarsyńdar?»
Aman Aman:
«Al biz syıladyq deıik, eger de ol shapandy kıgen jekpe-jeginde jeńilse, bir – birlep óltiredi ǵoı bizdi! Aman esimdi jigit óz amandyǵyn tilep otyr.»
Sábıt Túsip:
«Jigitter bularyń ne? Gena kerek bolsa ózi-aq tiktirip alady.»
P.S
Basym kópshiligi Genanyń ulttyq kıimimizde shyqqanyn qalaıdy. Az ǵana bóligi osy shapanda qala bergenin durys dep sanaıdy. Shynymen bul qaı ulttyń shapany boldy eken? İzdeı kele taptyq. Sóıtsek ózbek óz aǵamyz eken. Biraq bul shapan Genanyń ıyǵyna qalaı jabylǵany beımálim.
Orynbasar Baqytbek
