Bolgarıada altynshy ret ótken sulýlyq festıvalinde aqtaýlyq Aıanat Dáýletalına Gran-prı júldesin jeńip aldy dep habarlaıdy Qamshy.kz aqparat agenttigi 24.kz-ke silteme jasaı otyryp.

Álemniń 20 memleketinen 55 qatysýshy baǵyn synaǵan saıystyń barlyq kezeńi boıynsha alty jasar Aıanat joǵary upaı jınady. Ustazy Dılára Týrınanyń aıtýynsha, qazaq eliniń namysyn qorǵaǵan jetkinshek alǵashqy kezeńnen bastap-aq kórermenniń ystyq yqylasyna bólengen. Qarshadaı qyz qazylar alqasyn qazaqı ulttyq kıimimen jáne qoıylǵan suraqtarǵa aǵylshyn, bolgar tilderinde múdirmeı jaýap berýimen baýrap alypty. Osylaısha jastaıynan «Álem hanshaıymy» atanǵan Aıanat bıyl mektepke barady. Keleshek armany – kórkem gımnastıkadan olımpıada chempıony bolý.

«Jeti kúnge sozylǵan sán baıqaýynda álemniń kóptegen elderinen jańa dostar tapqanyna qýanyshtymyn. Aldymen Aqtaýda ótken kezeńde bas júldeni ıelendim. Al Bolgarıada sulýlyq festıvalimen qatar uıymdastyrylǵan «Álemniń kishkentaı aqyldy arýy» saıysyna da qatysyp, úshinshi altyndy jeńip aldym»,- dedi halyqaralyq sulýlyq baıqaýynyń jeńimpazy Aıanat Dáýletalına