Búgin Ortalyq komýnıkasıalar qyzmetinde karate-do boıynsha ótetin eresekter arasyndaǵy  XIV Azıa chempıonaty jáne kadetter men jastar arasyndaǵy  XVI Azıa chempıonatyna arnalǵan  brıfıń ótti, dep jazady Qamshy.kz aqparat agenttigi.

Sharanyń bas aqparattyq demeýshisi - Qazaqstan» RTRK» AQ.

Sharaǵa «Qazaqstan» RTRK AQ Basqarma tóraǵasy  Erlan Qarın,  QR karate-do federasıasynyń vıse-prezıdenti Sanaýov Jastalap Ábdiqanıuly,  Búkilálemdik karate-do federasıasynyń prezıdenti Antonıo Espınoz, Búkilálemdik karate-do federasıasynyń bas hatshysy Nagýra Toshıhısa qatysty.

Astanada «EKSPO-2017» halyqaralyq mamandandyrylǵan kórmesi aıasynda karate-do olımpıadalyq sport túri boıynsha 13-16 shilde aralyǵynda Azıa chempıonaty ótedi. Bul baıraqty básekege 30-dan asa eldiń  700-den astam  úzdik sportshylary baq synasady dep josparlanyp otyr. Azıa birinshiligi elimizde tuńǵysh ret ótetinin atap ótken jón. Buǵan deıin  Malaızıa, Sıngapýr, Japonıa men Qytaı syndy alpaýyt memleketterde uıymdastyrylǵan. Budan bólek,  bul kontınettik chempıonatta reıtıńtik upaılar beriledi. Iaǵnı, Tokıo-2020 Olımpıada oıyndaryna sportshylarldyń upaı jınaýǵa múmkindikteri bar. 

Sonymen qatar, karate-dodan Qazaqstannyń Ulttyq quramasynan álem jáne Azıa chempıondary men júldegerlerinen quralǵan 70  úzdik sportshy el namysyn qorǵaıtyn bolady.  Olardyń arasynda  kadetter men jastar arasynda álem chempıony, Azıa oıyndarynyń chempıony jáne úsh dúrkin Azıa chempıony Saǵyndyqov Rınatta bar.  Onyń jalpy upaı sany – 1215.  Ol  67 keli salmaqta óz sheberligin kórsetpek.

«Qazaqstan» RTRK AQ quramyna kiretin «Kazsport» telearnasy 13-16 shilde aralyǵynda ótetin jarysty jan-jaqty nasıhattaýǵa atsalyspaq. Jańalyqtar qyzmeti arnaıy sújetter ázirleıdi.

Al, 16-shilde kúni 19 shilde kúni, saǵat 20:40-ta «Kazsport» telearnasynyń efırinde Azıa chempıonatynyń fınaldyq kezdesýleri kórsetiletin bolady.  

Esterińizge sala ketsek, 2016 jyldyń 3 tamyzynda Rıo-de-Janeırodaǵy Olımpıada komıtetiniń otyrysynda «WKF karate-do» 2020 jyly Tokıo Olımpıadasynda kórsetilgen olımpıadalyq sport túrleriniń tizimine engen bolatyn.