Pavlodarda 13 jastaǵy Anna Sabýrova izdestirilip jatyr. Ata-analarynyń aıtýynsha, qyz bala tort satyp alýǵa ketip, qaıtyp oralmaǵan, - dep habarlaıdy Qamshy.kz aqparat agenttigi Tengrinews.kz saıtyna silteme jasap. 

"Keshe, 12 shildede joldasymmen úılený mereıtoıymyz boldy. Qyzym tańerteńnen bastap, keshke tosynsyı bolatynyn aıtty. Úıdi sharlarmen bezendirdi. Saǵat úsh kezinde ol tort alýǵa ketti, sodan keıin jattyǵýǵa barýy kerek bolǵan. Aná bokspen shuǵyldanady. Alaıda ol bapkerine habarlasyp, otbasylyq mereıtoıǵa daıyndalý úshin suranyp ketken eken. Saǵat jetide ákesi qońyraý shaldy, qyzymyz tátti nanǵa bara jatqanyn jáne jaqyn arada bolatynyn aıtty", - deıdi qyzdyń anasy Oksana Sabýrova. 

Qyzdyń ata-anasy onyń qurbylaryna, tanystaryna habarlasqan, sonymen qatar polısıaǵa baryp aryz bergen. Qyz balanyń telefony sóndirýli, áleýmettik jelige kirmegen. Qyzdyń ózinen úlken tanys jigiti bolýy múmkin. 

"Qyzymyz esh ýaqytta jattyǵýdan qalǵan emes. Bul joly da úıden shyǵarda sómkesin alyp ketti. Nege daıyndyqtan bas tartqany belgisiz", - dedi Sabýrova. Polıseılermen birge jergilikti eriktiler qyzdy izdestirip jatyr. 

Qyz bala qaladaǵy mektepterdiń birinde oqıdy. 4 shildede onyń jasy 13-ke tolǵan. Joǵalyp ketken kúni ol qara djıns, kók tústi jeıde men qara makasın kıgen. Sonymen qatar, onyń qara sómkesi bolǵan.