Polısıa qyzmetkerleriniń boljaýynsha, belgisiz bireý ot shashý retinde oq atqan, dep habarlaıdy Qamshy.kz aqparat agenttigi Life.ru saıtyna silteme jasap.

13 jastaǵy Noı Inman úıiniń aýlasynda basketbol oınap júrgen kezinde kenetten jerge sylq ete túsken. Barlyǵy ony esinen tanyp qaldy dep oılaǵan, alaıda aýrýhanaǵa kelgennen soń dárigerler múldem basqa jaǵdaı bolǵandyǵyn aıtty. Olar Noı Inmannyń basynan jaraqat alǵandyǵyn málimdegen. Ony dereý Chıkagodaǵy Komer balalar aýrýhanasyna alyp kelip, ota jasatqan. Nátıjesinde, dárigerler balanyń basynan bir oq aldy.

Qansha tyrysqanymen balanyń ómirin saqtap qalý múmkin bolmady. Noı Inman esin jımastan bir aptadan soń qaza tapty. Polısıa basqarmasy atalmysh oqıǵaǵa baılanysty zertteý jumystaryn bastap ketti, alaıda áli kúnge deıin naqty bir málimet joq.

Sarapshylardyń aıtýynsha, oq balanyń úıi ornalasqan kósheden keıingi kóshedegi úılerdiń birinen ushqan. Belgisiz bireý ot shashý retinde aýaǵa oq atqan degen boljam bar.

Sholýshy: Nazerke Labıhan