2017 jylǵy 13 shildede Beıbitshilik jáne Kelisim saraıynda Qazaqstan Respýblıkasynyń Prezıdenti Nursultan Nazarbaevtyń qatysýymen Qazaqstan Respýblıkasy Ulttyq qaýipsizdik komıtetiniń qurylǵanyna 25 jyl tolýyn merekeleýge arnalǵan saltanatty is-shara ótti, dep jazady Qamshy aqparat agenttigi. Bul týraly QR UQK baspasóz qyzmeti habarlaıdy.
Qurmetti meımandar arasynda respýblıkamyzdyń áleýetti jáne quqyq qorǵaý qurylymdarynyń, mınıstrlikteri men vedomstvolarynyń basshylarymen qatar, shetel arnaıy qyzmetteri delegasıalarynyń basshylary resmı ókilderi jáne ardagerleri boldy.
Sóz sóıleý barysynda Memleket basshysy ulttyq qaýipsizdik organdary óz qyzmetiniń alǵashqy kúnderinen bastap jańa ishki jáne syrtqy saıası jaǵdaıdy eskere otyryp, el basshylyǵyna memleket qurýdyń basym baǵyttaryndaǵy asa mańyzdy máselelerdi sheshýde qarqyndy járdem kórsetkenin atap ótti.
Memleket basshysy sondaı-ak ulttyq qaýipsizdik organdarynyń barlyq jeke quramy men ardagerlerin kásibı merekelerimen quttyqtady jáne vedomstvonyń jekelegen qyzmetkerlerine joǵary memlekettik nagradalar tapsyrdy.
Saltanatty is-shara derekti fılm kórsetý jáne konserttik baǵdarlamaǵa ulasty.
Sholýshy: Gúlim Jaqan
