Kezekti taýly Qarabahtaǵy soǵystyń saldarynan qaza tapqan ázirbaıjandyq kempir men onyń kishkentaı nemeresi qazaqstandyqtardy beıjaı qaldyra almady. Qazaq azamattary Ázirbaıjannyń jaǵyna shyǵyp, olarǵa qoldaý kórsetýge bel baılady, dep habarlaıdy Qamshy.kz aqparat agenttigi haqqin.az saıtyna silteme jasap.

Esterińizge sala ketsek, ótken jyldyń sáýir aıynda qazaqstandyqtar áleýmettik jeli arqyly baýyrlas elge qoldaý kórsetip qana qoımaı, keıbir qazaqtar Bakýge bolysyp, óz erkimen soǵysqa attaný úshin otandastardy Ázirbaıjan elshiligine barýǵa shaqyrǵan bolatyn. Armenıalyqtar «UQSHU aıasynda Erevannyń odaqtasyna» ashýly túrde jaýap berip, tipti,  Úkimetti shaqyryp, Qazaqstan elshisin qýyp jiberýge shaqyrǵan.

Alaıda, Qazaqstan bıligi baýyrlas eldegi kóptegen adamdardyń ólimine sebepshi bolyp otyrǵan qaqtyǵystarǵa alańdaýshylyq bilidirip, olardyń beıbit jolmen sheshilýin qalaıdy. Bul jaıynda birneshe otandyq saıasatkerler men sarapshylardyń pikirin usynamyz.

«Qazaqstan qoǵamy Ázirbaıjannyń jaǵyna shyǵyp otyr. Muny baıqaý qıyn emes. Munyń birinshi sebebi: mádenı jáne tildik jaǵynan týystyq jaqyndyq bolyp tabylady. Árıne, álemdik saıasat máselesinde kez kelgen eldiń ustanymyna ulttyq múddelerge qatysty pragmatıkalyq kózqarastar áser etedi. Alaıda, qarabah máselesinde Qazaqstan bıliginiń qyzmettik jaǵdaıyn damytýda qoǵamdyq kóńil-kúı mańyzdy ról atqarady. Iaǵnı, bul oraıda, Astananyń resmı ustanymy Qazaqstan qoǵamyndaǵy kóńil-kúımen birdeı bolyp otyr. Al kishkentaı bala qaza tapqan sońǵy atystan soń Qazaqstan İİM óziniń ustanymyn rastady», - deıdi saıasatker Sultanbek Sultanǵalıev.

Ázirbaıjan aýyldarynyń birinde sońǵy bolǵan qaqtyǵystan keıin Qazaqstannyń İİM «Astana taýly Qarabahtaǵy qaqtyǵystar men jarylystarǵa alańdaýshylyq bildirip otyrǵandyǵyn» málimdedi.

«Qazaqstan Respýblıkasy taýly Qarabah qaqtyǵysynda ymyraly sheshim izdeý prosesin qoldaıdy jáne de atalmysh máseleni túbegeıli sheship, qaqtyǵystardy toqtatý úshin múddeli taraptardyń syndarly kózqaras bildiretindigine úmitti», - dep málimdedi QR İİM resmı ókili Ánýar Jaınaqov.

«BUU Qaýipsizdik Keńesiniń jáne de UQSHU múshesi retinde Qazaqstannyń ustanymy ózgergen joq. Qaqtyǵystardy beıbit jolmen sheshý – eki elge de paıda alyp keledi», - dep habarlandy QR ishki saıasat vedomstvosynda.

«Qazaqstan Ulttyq qaýipsizdik shart uıymyndaǵy mindettemelerde Armenıamen ózara tyǵyz baılanysty bolǵanymen, atalmysh kelisimshartta tek uıym músheleriniń biri shetelge tikeleı agresıa bildirse ǵana aralasýyna bolatyndyǵyn kórsetken. Eger de, qaqtyǵys «Taýly Qarabah Respýblıkasynyń» aýmaǵynda bolmasa, ony Armenıaǵa tikeleı jasalǵan qastandyq retinde túsindire almaımyz. Bul rette, áńgime basqasha bolady: qaqtyǵys ózge elge jasalǵan degen túsinik týyndaıdy», - deıi saıasatker Talǵat Qalıev.

Sonymen qatar, Qalıevtiń aıtýynsha, Qazaqstan bıligi Armenıa EAEO-ǵa múshelikke kirgen kezinde, Taýly Qarabahty onyń quramynan shyǵaryp jiberýdi talap etken.

«Sol sebepti de biz Taýly Qarabahty Armenıanyń ıeligindegi jer dep qarastyra almaımyz. Kezekti qaqtyǵysqa UQSHU kúshterin jetkizýge tyrysqan jaǵdaıda, mandat Qazaqstannan Armenıanyń jaǵyna shyǵýdy talap etip otyr dep aıta almaımyz», - deıdi saıasatker.

Talǵat Qalıevtiń aıtýynsha, kóptegen qazaq azamattary Qarabahtaǵy qaqtyǵysqa qatysty baýyrlas eldiń aýyrtpalyǵyn birge kóterýge nıetti.

«Sonymen qatar, Qazaqstandy Ázirbaıjan jaǵynda soǵysqa qatysýǵa erikti toptar bar ekendigi ras. Alaıda, zańsyz qarýly toptar men baskeserlerdiń qatarynda bolyp, soǵysqa attaný bizdiń elimizde zańmen qýdalanatynyn esten shyǵarmaý kerek», - deıdi sarapshy.

Daıyndaǵan: Nazerke Labıhan