Pavlodarda Gosplemstansıa aýylyndaǵy Ertis ózeninde er adam sýǵa batyp ketti, dep habarlaıdy Qamshy.kz aqparat agenttigi.

 Bul týraly oblystyq TJD baspasóz qyzmetinde habarlady. 

 - 40 jastaǵy aýyl turǵyny mas kúıinde tyıym salynǵan jerde shomylǵan. Saǵat 14:00-de kýágerlerler onyń denesin sýdan taýyp shyǵardy. Qutqarýshylardyń aıtýynsha, jyl basynan beri 10 adam sýdan ajal qushty, onyń úsheýi bala. Kóbi mas kúıinde sýǵa túsken. 79 adam qutqaryldy, onyń - 30-y bala.

- Oqys jaǵdaılardyń aldyn alý úshin tártip saqshylarymen birge reıd sharalary júrgizilip, ańdatpalar taratylady. Biraq, adamdar ony eskermeıdi. Sondyqtan budan bylaı qaýipsizdik erejelerin buzǵan azamattar, jaǵajaıda ishimdik ishkender men balalaryn qaraýsyz qaldyrǵandar ákimshilik jaýapqa tartylady.

QR Ákimshilik quqyq buzýshylyq kodeksiniń 412-babyna saı 7-den 60-qa deıingi AEK kóleminde aıyppul taǵylady, - deıdi departament mamandary.