Jazdyń kezi, jalyndy kezdegi óleń,

Ne qalaryn janymnyń sezbegen em.

Biz tanysqan sol ýaqyt eske oralyp,

Turady tanysqanda ózgemenen.

Sansyz qyzyq men úshin mánsiz deımin,

Qurǵaq kóńil, sýarar tamshy izdeımin.

Jubanyshy sen deýge jasqanýshy em,

Ózime jat boıdaǵy qamsyz kúıdiń.

Jasyrynyp júrgendeı ishimde óleń,

Sezindirgim keletin isimmenen.

Túsindire almadym sezimimdi,

Sebebi, men ózim de túsinbegem.

Kókirekke qamadym muńymdy udaı,

Dos bolaıyq deı almaı burynǵydı.

Ǵashyqpyn ba, tipti ózim sezinbedim,

Ǵashyq bolyp kórmegesin buryn bulaı.

Shyrmaýynda júrgende nala, muńnyń,

Deı almadym «ǵashyqpyn», jańa bildim.

Sen unatam degende jasyqtyǵym,

Jas keltirdi aldyna janarymnyń.

Júregime sımady, jazdym bárin,

Jańa sezdim janymda jazdyń baryn.

Habarsyz ketsem de men súıem seni,

Sýynyp ketesiń dep azǵyrmaǵyn.

Qashyqtyq bizge qazir eń keregi,

Ǵashyqtyqqa qashyqtyq em beredi.

Men sizdi saǵynamyn, sondyqtan da,

Essiz saǵynyp júrsiń sen de men.

Ońtalap Tileý - JOLDASOV