Qazaqstan Parlamenti Senatynyń Tóraǵasy Qasym-Jomart Toqaev Cheh Parlamenti Senatynyń tóraǵasy Mılan Shtehpen kezdesý ótkizdi dep habarlaıdy Qamshy.kz aqparat agenttigi QR Parlamenti Senatynyń Baspasóz qyzmetine silteme jasap.
Q.Toqaev Praganyń«EKSPO-2017» ótkizýge qoldaý bildirgen sheshimin jáne halyqaralyq kórmeniń ashylýyna Prezıdent Mılosh Zemannnyń ózi qatysqanyn joǵary baǵalady. 15 shildede eki el Parlamentteri Joǵarǵy Palatalary Tóraǵalary «EKSPO-2017» kórmesindegi Chehıanyń Ulttyq kúniniń ashylýynda sóz sóıleıtin bolady.
Q.Toqaev Chehıa Qazaqstannyń Eýropalyq Odaq pen Ortalyq Eýropadaǵy mańyzdy áriptesi bolyp tabylady dep atap ótti. Bizdiń memleket basshylarynyń, úkimetterimen isker ortanyń arasynda senim jáne jan-jaqty dıalog qalyptasqan. Zań shyǵarýshy organdar arasyndaǵy yntymaqtastyq serpindi sıpataldy.
Q.Toqaev Chehıa Parlamenti alǵashqylardyń biri bolyp Eýropalyq Odaq pen Qazaqstannyń arasyndaǵy keńeıtilgen seriktestik jáne yntymaqtastyq týraly kelisimdi ratıfıkasıalaǵany úshin M. Shtehqa alǵysyn bildirdi. Qazaqstan Parlamenti Senatynyń Tóraǵasynyń aıtýynsha, bul kelisim bizdiń elimizdiń eń iri saýda-ekonomıkalyq jáne ınvestısıalyq áriptesi Eýropalyq Odaqpen yntymaqtastyqty belsendi etýge múmkindik beredi.
Q.Toqaev baılanystardy odan ári keńeıtý áleýetin Azıa men Eýropany jalǵaıtyn iri halyqaralyq kólik ınfraqurylymdyq jobalardyń júzege asyrylýymen baılanystyrady. Elimizdegi «Nurly jol» baǵdarlamasymen ushtasatyn Qytaıdyń«Bir – beldeý, bir – jol» bastamasy júzege asýynda Qazaqstan mańyzdy ról atqarady.
Taraptar saýda-ekonomıkalyq, ınvestısıalyq jáne gýmanıtarlyq salalardaǵy baılanystardy damytý keleshegin talqylady.
M. Shteh Qazaqstanda júzege asyrylyp jatqan saıası jáne ekonomıkalyq reformalarǵa, memlekettik mekemelerdi jekeshelendirý baǵdarlamalaryna qyzyǵýshylyq tanytty. Chehıa Senatynyń tóraǵasy parlamentaralyq únqatysýdyń joǵary deńgeıi eki memleket arasyndaǵy dástúrli jyly jáne dostyq qarym-qatynastardyń mańyzdy bólshegi bolyp tabylady dep atap ótti. Kezdesý aıaǵynda M. Shteh óziniń qazaqstandyq áriptesin Chehıaǵa resmı saparmen kelýge shaqyrdy.
Sholýshy: Ásem Álmuhanbet
