«QAZAQ» degen laqap atpen boks áleminde óz myqtylyǵyn kórsetip júrgen, birinshi orta salmaqtaǵy WBO NABO jáne WBA Inter-Continental tujyrymdary boıynsha álem chempıony Qanat «QAZAQ» Islam (24-0, 19 KO) 9 qyrkúıek kúni Astana qalasynda kanadalyq Brendon Kýkke qarsy ótkizetin kezdesýi jaıly aıtty, dep habarlaıdy Qamsy.kz aqparat agenttigi.

Kúlli qazaq jurty asyǵa kútken bul kezdesýi jaıly ol: «Qyrkúıekte Astanada ótetin jekpe-jegimde kanadalyq boksshy Brendon Kýkpen judyryqtasatyn boldym. Qarsylastyń osaly bolmaıdy. Sondyqtan daıyndyqty barynsha kúsheıtýge bet burdym. Qazirgi tańda aıqasqa daıyndyqty bastap kettim. Sátin salsa, Alataý bókterinde tamyzdyń ortasyna deıin jattyǵýymdy jalǵastyramyn. Ary qaraı sońǵy daıyndyqty elorda tórinde ótkizemin. Bul el esinde qalatyn qyzyqty kezdesý bolady degen úmittemin», – dedi.

Esterińizge sala keteıik, Qanat Islam jáne Brendon Kýk arasyndaǵy jekpe-jek 9 qyrkúıekte Astanada ótedi. «QAZAQ-tyń» qarsylasy 31 jastaǵy kanadalyq boksshy kásipqoı boksta 18 jekpe-jek ótkizip, barlyǵynda jeńiske jetken. 11 kezdesýin ýaqytynan buryn aıaqtaǵan. Sońǵy jekpe-jegin ol otandasy Stıven Batlerge qarsy ótkizip, nokaýtpen jeńgen edi.