Áıelde talaı qyzyq bar. Japonıalyq 67-jasar Tıskao Kahekı esimdi «ázireıil» ájeı óziniń 6-shy kúıeýin o dúnıege uzatyp salǵan. Bul týraly JapanTimes-qa silteme jasaı otyryp Tengrinews habarlaıdy. Kıoto qalasynyń bıligi habarlaǵandaı Tısako Kahekı bul operasıamen aınalysqanyna 20 jyldyń júzi bolypty.  Ájeıdiń sońǵy juby Isao Kahekı 75 jasta bolǵan. Úılengenderine 2 aı ótkende ómirden ozypty. Medısınalyq saraptama nátıjesinde máıittiń denesinen ýly sıanıda tabylǵan.  Basylym atap ótkendeı Tısako ájeıdiń aldyńǵy kúıeýi Osakı qalasynyń turǵyny 2012 jyldyń kókteminde kóz jumǵan. Dúkenge barar jolda qulaǵan kúıeýdiń de denesinen atalmysh ýdyń tabylǵany anyqtalǵan. Ájeıdiń 4-shi juby 2009  jyly oba aýrýynyń belgisiz túrimen qaıtys bolǵan. Onan aldyńǵy «bajalary» 2008, 2006 jyldary qaıtys bolǵan. «Qaraly jesirdiń»  eń alǵashqy jubaıy 1994-shi jyly 54 jasta bolatyn. Polıseıler «qaraly jesirdiń» bul josparǵa  barýynyń basty sebebi  baılyqqa qol jetkizý bolǵan dep túsindiredi. Japondyq BAQ ókilderi bıznesmen ájeıdiń 20 jyldyq tabysy 7 mıllıon AQSH dollaryn qurap otyrǵanyn málimdegen. Al ájeı óz kinásin áli de moıyndamaı otyr.

Orynbasar Baqtybekov