Shilde aıynyń basynda 9 aılyq Fatımany qutqaryp qalǵan aqtaýlyq jolserik Altynaı Rambaeva kórshi elde de tanymaldylyqqa ıe boldy.

Reseıdegi «Domashnıı» telearnasy ol týraly derekti fılm túsirýde, dep habarlaıdy Qamshy.kz aqparat agenttigi «QazAqparat» málimetine súıenip.

Fılmdi Vladımır Kalashnıkov túsirip jatyr. Ol «TMD jolserigi» dep atalady. Fılm Fatımany qutqaryp qalǵan Altynaı jaıly ǵana bolmaıdy.

Buryn habarlanǵandaı, 2017 jyldyń 3 shildesinde «Mańǵystaý-Astrahan» baǵytyndaǵy jolaýshylar poıyzynyń jolserigi Altynaı Rambaeva 9 aılyq Fatımanyń ómirin saqtap qalǵan edi. Oqıǵa jolda bolǵan. Maqat stansıasynda kýpelerdiń birinde balanyń ólip qalǵany týraly habarlaıdy. Alaıda, jolserik abyrjymaı, qyzdy qyzmettik bólmege alyp kirip, alǵashqy medısınalyq járdem kórsetedi. 40 mınýttan keıin sábı esin jıyp, dem alyp, jylaı bastaǵan. Fatımanyń anasy Araılym Jalıeva bolǵan oqıǵany keremet tiriltý boldy dep esepteıdi. Aıta ketken jón, Araılym da fılmniń keıipkeri bolyp, poıyzda bolǵan oqıǵany taǵy da baıandady.

Aıta ketsek, Altynaı Rambaeva ózi qutqaryp qalǵan Fatımanyń ekinshi anasy atandy, ol búldirshindi qyzym dep ataıdy. Eki otbasy da dostasyp ketken.