Endi týrısik baǵyttar aıqyndalady, óńirlerdegi kórikti oryndar belgilenedi. Sosyn olar kelgen qonaqqa qolaıly bolatyndaı etip árlenedi, túrlenedi. Qysqasy, atqarýshy bılik ishki týrızmdi túletýge myqtap kirispek.
Týrısik salany damytýdyń jańartylǵan tujyrymdamasy búgin Úkimette tanystyryldy. Ol eki kezeń boıynsha, 2018-2020 jyldary jáne 2021-2023 jyldary iske asyrylmaq. Jospar boıynsha keler jyly «Qazaqtýrızm» uıymy qurylady. Olar óńirlerdiń erekshelikterin eskerip, aımaqtyń ımıj qalyptastyrý men marketıń jumystaryn júrgizý isin qolǵa alyp, qaı oblysta qandaı demalys uıymdastyrylatynyn jáne týrısik baǵyt bolatynyn belgileıdi. Ázirge alty óńirlik mádenı-týrıstik klaster anyqtalǵan.
Arystanbek Muhamedıuly, QR Mádenıet jáne sport mınıstri:
-Qazir týrısik salada bizdiń tujyrymdamany, konsepsıany birinshi ret qabyldap jatyrmyz. Qazaqstanǵa osy salada keletin ınvestorlar bar. Ol bizge óte kerek. Keremet oryndarymyzdy ári qaraı damytý úshin biz ınvestorlardy ákelýimiz kerek. Osy sıaqty kóptegen naqty qadam bar.
Máselen, Shyǵys Qazaqstan oblysynda týrısik klasterdi damytý boıynsha 40-tan astam joba iske asyrylýda. Atap aıtsaq, kóne tarıhı mekenderdegi arheologıalyq zertteýlerge 150 mln teńge bólingen. Sondaı-aq rýhanı jańǵyrý baǵdarlamasy aıasynda Óskemen óńirinde týrıser aralaı alatyn kıeli jerler kartasy ázirlenýde. Ol 4 aı ishinde daıyn bolady. Buǵan qosa, áıgili Alakóldi qaıta jańǵyrtý josparlanýda. Demalys ornynda búginde qonaq úı, meıramhana sekildi 140 nysan qaıta qalpyna keltirilýde. Onyń 82-si búginde meıman kútýge ázir.
Danıal Ahmetov, Shyǵys Qazaqstan oblysynyń ákimi:
-Qazir aýmaqtyń ınfraqurylymyn damytýǵa 550 mıllıon teńge qarastyrylyp, 1 mıllıard 400 mıllıon teńgege jol jáne komýnıkasıalar tartylady. Alakóldiń jylyna 2 mıllıon adam qabyldaıtyn qaýqary bar. Qazir osy aýmaqta túrli oıyn-saýyq qyzmetterin kórsetetin oryndar, meıramhana men kýrorttyq nysandar salý úshin ınvestorlar tartylýda.
Al Almaty qalasynyń týrıstik áleýeti Qysqy Ýnıversıadany ótkizýmen jaqsardy. Máselen, Shymbulaq pen Medeý shatqalyna ótken jyly 800 myńnan astam demalýshy kelgen. Iaǵnı kúnine 10 myńǵa jýyq adam taýǵa shyǵyp, shańǵy tepken. Qala ákimi Baýyrjan Baıbektiń sózinshe, kelýshilerdiń kóbi – sheteldikter. «Endi jańa tujyrymdama negizinde týrısik operatorlardy ishki týrızmdi damytýǵa bet burǵyzbaqpyz», – deıdi shahar basshysy.
Baýyrjan Baıbek, Almaty qalasynyń ákimi:
-Búginde Almatyda 569 týrısik uıym bar. Olardyń deni sheteldik demalys oryndarymen jumys isteıdi. Máselen, jyl saıyn ońtústik astanadan syrtqa 3 mıllıonǵa jýyq adam saparlaıdy. Endi týrısik agenttikterdiń qyzmetin otandyq demalys oryndarymen túıistirip, ishki týrızm formatyn jetildirý isin qolǵa alamyz.
Shyraıly Shymkent jaqtaǵy Túrkistan men Otyrarǵa da barýshylar kóp. Tek bir Qoja Ahmet Iassaýı kesenesin jylyna 1 mıllıonnan astam adam zıarat etedi eken. Budan basqa, «Qazaqtyń Shveısarıasy» dep atalǵan Býrabaıǵa da shet-shetten týrıser kóp aǵylady. Ásirese elimizge Reseı, Qytaı, Túrkıa, Ázerbaıjan men Grýzıa, tipti Irannan da demalýshylar keledi eken.
Jalpy týrısik áleýettiń artýy tranzıttik logıstıkanyń damýymen tikeleı baılanysty. Máselen, sońǵy 5 jylda respýblıkalyq mańyzy bar 34,2 myń km avtomobıl joldary, onyń ishinde «Nurly jol» memlekettik baǵdarlamasy aıasynda 1,3 myń shaqyrym jol salynǵan. Temirjol jelileriniń uzyndyǵy 1 854 km-ge ulǵaıdy. Sondaı-aq elimizdegi jumys istep turǵan 18 áýejaıdyń 15-inde jóndeý júrgizilip, 11 jolaýshylar termınaly salyndy.
Jeńis Qasymbek, QR Investısıalar jáne damý mınıstri:
-Osylaısha, 2016 jyldyń qorytyndysy boıynsha Qazaqstan Dúnıejúzilik banktiń «Logıstıka tıimdiligi ındeksi» reıtıńisinde «Infraqurylym sapasy» kórsetkishi boıynsha 106-dan 65-orynǵa joǵarylap, pozısıasyn jaqsartty. Endi salynǵan joldar negizinde ınfraqurylymyn damytý kózdelýde.
Infraqurylym demekshi, búginde jol boıyndaǵy qyzmet ortalyqtarynda, ıaǵnı qonaq úı, meıramhanalar men kempıngterde el boıynsha 25 myńnan astam adam jumys isteıdi. Bul keshenderdiń sany bıyl da ulǵaıady. Úkimet tapsyrmasy boıynsha, endi qyzmet kórsetý ortalyqtary bir úlgide salynatyn bolady.
Ermek Ǵızatov, «QazAvtoJol» UK» AQ basqarma tóraǵasy:
-Birkelkige keltirý týraly sheshim byltyrdan beri bar. Mınıstrliktiń sheshimimen bekitilgen. Sol boıynsha 30 obekt Qazaqstanda bastaldy. Qazir Qaraǵandy, Aqmola, Pavlodar, Almaty oblystarynda jumystar bastalyp jatyr. Bıylǵy jyl aıaǵynda 6 kompleks jumysy iske qosylady. Endigi jyly qalǵan 24-in qosyp bitemiz.
Úkimet týrıserge jaǵdaıdy jeńildetý úshin vızalyq kóshi-qon saıasatyn retteý men áýe qatynastaryn damytý boıynsha jumystardy jalǵastyryp jatyr. Máselen, elge vızasyz kire alatyn elderdiń tizimi 63 memleketke deıin ulǵaıǵan. Sondaı-aq qazir Astanadaǵy Nursultan Nazarbaev halyqaralyq áýejaıynda «Ashyq aspan» rejımi qoldanysta. Jıyn sońynda Premer-mınıstr Baqytjan Saǵyntaev kóshi-qon polısıasynda sheteldikterdi tirkeý, elektrondy vızalardy engizý máselerin ártaraptandyrý jumysyn jiti nazarda ustap otyrýdy tapsyrdy.
