«Áziret Sultan» memlekettik tarıhı mádenı qoryq-murajaıynyń qory taǵy da bir tarıhı, asa qundy jádigermen tolyqty dep habarlaıdy Qamshy.kz aqparat agenttigi.

Ol - bolattan jasalǵan qylysh. Qylyshtyń saqtalý jaǵdaıy ortasha. Súıekten jasalǵan tutqa-sabynyń tómengi bólikteri synǵan. Júzi azdaǵan qara-qońyr tústi totyqqan. Júziniń bir jaǵy ǵana ótkirlengen. Qylyshtyń júzindegi kóptegen kertpe izderi onyń áskerı qaqtyǵystarda bastan keshirgendigin kórsetse kerek. Degenmen, qylyshtyń júzi áli de ótkirligin joımaǵan. Qaıqylanǵan pishindegi qylyshtardy qazaqta jataǵan qylysh dep te ataıdy. Qylyshtyń ótkirlengen júzine qarsy betiniń jarty tútik pishindi bolyp kelýi, qylyshtyń áskerı áreketterde qarsylasty tek shabý úshin ǵana emes, túıreý maqsatyna da arnalǵandyǵyn ańǵartyp tur. Júzi men sabynyń túıisken jeri jezben kómkerilgen.

Bul qylyshty biregeı jádigerler qataryna jatqyzýǵa múmkindik beretin ózgeshe belgisi bar. Ol – qylysh sabynyń tómengi bóligindegi 1798 jyldan 1809 jylǵa deıin Qoqan handyǵynyń hany bolǵan Alım Han nemese Buhara ámirliginiń sońǵy bıleýshisi Seıd Mir Muhammed Alım hannyń aty jazylǵan jeke mór bederiniń túsirilýi bolyp otyr. Buǵan deıin handar ustaǵan, tutynǵan zattar bizdiń qoryq-murajaıda kezdespegen.

HİH ǵasyr men HH ǵasyrdyń basyndaǵy Qazaq tarıhyna qatysty málimet kózi sanalatyn mundaı jádigerler tarıh aqtańdaqtaryn aıqyndaýǵa sep bolar tyń jańalyqtarǵa qol jetkizýge múmkindik berýi bek múmkin. Onyń ústine mundaı belgili bir tarıhı tulǵanyń esiminiń jádiger betinde kezdesýi jádigerdiń eksponat turǵysyndaǵy qundylyǵyn arttyra túsetini belgili.

 Bolashaqta atalmysh jádigerge ǵalymdarymyz tıanaqty zertteý jumystaryn júrgizbek.