Shyǵys qazaqstandyq ǵalymdar jasyryn paıdaly qazbalardy boljaý jáne izdeýdiń jańa tehnologıasyn ázirledi.

QR Investısıalar jáne damý mınıstrligi men «Báıterek» UBH» AQ enshiles kompanıasy bolyp tabylatyn «Tehnologıalyq damý jónindegi ulttyq agenttik» AQ qoldaýymen Qazaqstandyq ǵalymdar toby Shyǵys Qazaqstan aýmaǵynda altyn jáne sırek metal obektilerin boljaý jáne izdeýdiń jańa tehnologıasyn ázirledi. 
D.Serikbaev atyndaǵy Shyǵys Qazaqstan memlekettik tehnıkalyq ýnıversıtetiniń ǵalymdary júrgizgen zertteýler iri Shyǵys Qazaqstandyq altyn beldeýindegi flańterde jáne tereń kókjıekterinde jańa ken obektilerin anyqtaý úshin jol ashyp otyr.
Sırek metaldar baǵyty boıynsha Qarasý, Novo-Ahmırovskoe, Alaha, Cherdoıak, Qara-Aıaq tárizdi obektiler boıynsha mıneraldanýdyń «dástúrli emes» túrlerin baǵalaý jóninde ǵylymı-tájirıbelik usynystar ázirlengen.
Ázirlengen tehnologıa is júzinde Qara-Aıaq ýchaskesindegi barlaý jumystarynda kórinis tapty, bul jumysty QR Investısıalar jáne damý mınıstrliginiń tapsyrysy boıynsha «Topaz» Jer qoınaýyn zertteý kompanıasy» JSHS atqarýda.
Budan basqa ǵalymdardyń usynystary 25-ten astam sheteldik jáne respýblıkalyq basylymdarda, onyń ishinde reıtıńilik jýrnaldardaǵy monografıalar men maqalalarda keltirilgen.
Jobanyń jumysyna geologıalyq-mıneraldyq ǵylymdardyń doktory, profesor, akademık Borıc Dáchkovtyń basshylyǵymen 12 ǵalym qatysqan. Onyń aıtýynsha bul jobany iske asyrý arqyly eldiń mıneraldyshıkizattyq bazasyn nyǵaıtýǵa, sol arqyly Qazaqstannyń ekonomıkasyn jaqsartýǵa múmkindik týady.
Atalmysh jobany iske asyrýǵa 2011 jyly ınovasıalyq grant esebinen 14 mln. 908 myń teńge qarjy bólingen.