Dál qazirgi ýaqytta Qazaqstan 25 memleketpen (shamamen 96 halyqaralyq baǵyt boıynsha) áýe baılanys ornatqan. Onyń ishinde TMD (54 baǵyt), Taıaý Shyǵys (15), Ońtústik Shyǵys Azıa (15) jáne Eýroodaq (12) elderimen baılanystyrylǵan.
2016 jyly qazaqstandyq jáne shetel áýe kompanıalarymen 13 jańa halyqaralyq baǵyt ashyldy: Almaty – Sıan/Sharm-El-SHeıh (maýsymdyq)/ Tegeran/Samara; Astana – Amsterdam, Aqtaý – Batýmı (maýsymdyq)/Sochı (maýsymdyq), Shymkent – Stambul/Hýdjand, Qaraǵandy – Stambul, Taraz – Nıjnevartovsk/Sýrgýt/Hýdjand.
________________
EXPO-2017 kórmesi sheńberinde barlyq shetel áýe kompanıalaryna Astana qalasyna aptasyna kúndelikti (aptasyna 7 reıs) reısterdi oryndaýǵa quqyq berildi.
Osyǵan baılanysty jyl basynan kelesi 8 jańa baǵyt ashyldy:
1) Astana – Helsınkı (Finn Air), aptasyna 2 reıs,
2) Astana – Varshava (LOT Polish Airlines), aptasyna 4 reıs,
3) Astana – Batýmı (Georgian Airways), aptasyna 1 reıs;
4) Astana – Býdapesht (Wizz air), aptasyna 2 reıs,
5) Astana – Beıjiń (Air China), aptasyna 3 reıs,
6) Astana – Kıev (Eır Astana), aptasyna 5 reıs,
7) Astana – Mıneralnye vody (SCAT), aptasyna 2 reıs,
8) Astana – Erevan (SCAT), aptasyna 2 reıs,
9) Astana – Delı (Eır Astana) aptasyna 3 reıs.
Sondaı-aq, 2018 jyly – Tokıoǵa, 2019 jyly – Sıngapýrǵa, Shanhaıǵa, 2020 jyly – Nú-Iorkke áýe qatynastaryn ashý josparlanýda.

Aıta ketsek, Qazaqstannyń halyqaralyq tranzıttik habqa aınalýy mańyzdy qadamdardyń biri. Jańa halyqaralyq reıs Memleket basshysy Nursultan Nazarbaevtyń 2020 jylǵa deıin elimiz arqyly ótetin tranzıttik jolaýshylar aǵynyn 4 esege deıin ulǵaıtý jónindegi tapsyrmasyn oryndaý aıasynda júzege asyrylyp otyr. 
Sońǵy 7 jylda tranzıttik áýe jolaýshylar aǵyny 20 esege artty. Perspektıvaly baǵyttardyń biri Úndistannan Qazaqstan arqyly TMD elderine baǵyttalǵan tranzıttik jolaýshylar marshrýty.