1 mlrd. 200 mln teńge. Petropavl qalasyndaǵy kópirdiń jóndeý jumystaryna «Nurly jol» baǵdarlamasy boıynsha ulttyq qordan osynsha qarajat bólindi.

«Astana –Petropavl» tranzıttik dálizindegi ótpeli joldy jańǵyrtýǵa 100 adam jumyldyrylǵan.

Qazirgi ýaqytta kólik qozǵalysyna ýaqytsha shekteý qoıylyp, nysannyń qazyǵy qaǵyldy. Mamandardyń aıtýynsha, qurylysqa negizinen otandyq materıaldar qoldanylady. Tórt jolaqty kópir 2018 jyldyń qarashasyna qaraı paıdalanýǵa berilýi tıis.

Sonymen qatar bıyl Petropavldan Reseıdiń Qorǵan oblysy shekarasyna deıingi 60 shaqyrym joldyń qurylysy bastalady.   

Bolatbek Aıtbaev, «QazAvtoJol» UK AQ SQOF dırektory:

– Qaıta jóndeý osy mynaý «Nurly jol» baǵdarlamasy boıynsha júrgizilip jatyr. Negizi bıylǵa degen josparymyz osy qazan aıynyń aqyryna deıin sol jaǵymen kólik qozǵalysyn jandandyrý maqsatyn oryndaý.