QR Investısıalar jáne damý vıse-mınıstriErlan Haırov Shveısarıa Ulttyq bankiniń prezıdenti Tomas Iordan myrzamen kezdesti.

Kezdesý barysynda «Jibek jolynyń ekonomıkalyq beldeýi» baǵdarlamasy aıasynda ekijaqty is-qımyl máseleleri, saýda-ekonomıkalyq seriktestik, sonymen qatar, ınvestısıalyq yntymaqtastyq perspektıvalary talqylandy.

Kezdesýde aıtylǵandaı, 2016 jyldyń qorytyndysy boıynsha eki el arasyndaǵy taýar aınalym 2,8 mlrd. AQSH dollaryn qurady (0,3%-ǵa artty). Eki jaq tarap ta aldaǵy ýaqytta ózara eksportty ilgeriletý men tikeleı bıznes ókilderi arasyndaǵy baılanysty qamtamasyz etý arqyly taýar aınalymdy arttyrýǵa múddeli.

Anyqtama.

2005 - 2016 jyldary Shveısarıadan Qazaqstanǵa kelgen tikeleı sheteldik ınvestısıanyń jalpy aǵyny 16 mlrd. AQSH dollaryn qurady. 2017 jyldyń 1 maýsymyndaǵy jaǵdaı boıynsha Qazaqstanda shveısarıalyqtardyń qatysýymen 443 zańdy tulǵa, fılıaldar men ókildikter tirkelgen. Qazirgi ýaqytta olardyń 325-i jumys isteıdi.