Reseı zeınetkerler úshin eń qolaısyz memleket. Bul týraly jahandyq zeınetaqy ındeksi naqtylady, dep jazady Qamshy.kz aqparat agenttigi.

2017 jyldyń reıtıń kórsetkishinde Reseı 43 memlekettiń ishinde 40-orynda tur. Zeınetkerlerge odan da tómen jaǵdaı jasalǵan memleketter qatarynda mynalar bar: Brazılıa, Gresıa, Shvesıa jáne Jańa Zelandıa. Al Ortalyq Azıa memleketteri reıtıńide kórsetilmegen.

Indekstiń qurylymy boıynsha parametrler qatary 0-den 100-ge deıingi shkalamen baǵalanady. Olar – zeınetkerlerdiń qarjysy, materıaldyq turǵydan qamatamasyz etilýi jáne ómir men densaýlyq saqtaý sapasy. Sarapshylardyń esepteýinshe, bir jyl ishinde Reseıde materıaldyq jaǵdaı men densaýlyq saqtaý júıesi aıtarlyqtaı tómendegen.

Budan buryn Esep palatasynyń basshysy Tatána Golıkova Reseıde 22 mln. adam nemese turǵyndardyń 15%-y kedeılengenin aıtqan. Al olardyń kóbi zeınetkerler bolyp shyqty.

Ekonomıkalyq damý mınıstrliginiń boljamynsha, aldaǵy 20 jyl ishinde Reseıde zeınetaqynyń ósýi kútilmeıdi, al 2022 jylǵa deıin zeınetaqynyń mólsheri tómendeýi múmkin. 2014 jyldan bastap zeınetaqyny qarjylandyrý morotorııi iske qosylǵan.