Aǵymdaǵy jylǵy 21-22 shildede Cholpon-Ata (Qyrǵyzstan) qalasynda Qazaqstan men Qyrǵyzstan ishki ister mınıstrlikteriniń Birlesken ekinshi keńesi ótti, dep habarlaıdy Qamshy.kz aqparat agenttigi QR İİM baspasóz qyzmetine silteme jasap.

Keńes otyrysyna Qazaqstan Respýblıkasy ishki ister mınıstri Q.Qasymov jáne Qyrǵyzstan ishki ister mınıstri Ý. Israılov, qyzmetter men shekaralyq ishki ister organdarynyń basshylary qatysty.
Delegasıa basshylary óz kezeginde ekijaqty vedomstvoaralyq yntymaqtastyqtyń damýyna jaqsy baǵa berdi.

Jıynda birinshi ótkizilgen Birlesken keńestiń (Taraz q, 2015j.) sheshimderi tabysty júzege asyrylǵany, sondaı-aq shekaralyq yntymaqtastyqtyń belsendi júrgizilip jatqany da atalyp ótildi.
Otyrysqa qatysýshylar kún tártibi aıasynda ishki ister organdarynyń shekaralyq qylmysqa qarsy is-qımyl boıynsha ekijaqty yntymaqtastyǵynyń qazirgi jaǵdaıy men bolashaǵyn qarastyryp, sonymen birge ekstremızge qarsy kúres salasynda vedomstvoaralyq is-áreketterdi jetildirý máselelerin talqylady. 

Atalǵan salalardaǵy ekijaqty is-áreketterdi nyǵaıtý maqsatynda izdeý jarıalanǵan qylmyskerge, iz-tússiz joǵalǵandar men anyqtalmaǵan múrdege jáne atys qarýlary, avtokólikter, esirtki quraldary, sondaı-aq urlanǵan maldardy kontrabandalyq jolmen tasymaldaýshylar, uıymdasqan qylmystyq toptardyń músheleri men basshylary týraly málimetterdi jedel almasý belsendiligin arttyrý boıynsha tıisti sharalar qabyldady.

Buǵan qosa, shekaralyq óńirlerde kelisilgen jedel izdestirý sharalary men arnaıy operasıalar júrgizý týraly kelisimge qol jetkizildi.

Otyrystyń qorytyndysynda delegasıa basshylary shekaralyq qylmysqa tosqaýyl qoıý salasynda, sonymen birge ekstremızmge qarsy kúreste ekijaqty yntymaqtastyqtyń belsendiligin arttyrý sharalaryn qarastyratyn hattamaǵa qol qoıdy.