Qyzylorda oblysynda aǵymdaǵy jyldyń alty aıynda Qazaqstan Respýblıkasynyń kóshi-qon zańnamasyn buzǵany úshin 3085 sheteldik azamat ákimshilik jaýapkershilikke tartyldy, dep habarlaıdy Qamshy.kz aqparat agenttigi QazAqparatqa silteme jasap.

Jarty jyl ishinde oblys aýmaǵynda 20 689 shetel azamaty ýaqytsha tirkeýge alyndy, onyń 709 - alys shet memleketterden, 19 980 TMD elderinen kelgender. Olardyń elge kelýiniń basty maqsaty eńbek qyzmetimen aınalysý bolyp tabylady. Atalmysh ýaqyt aralyǵynda  kóshi-qon zańnamasyn buzǵan 3085 sheteldik anyqtalyp, olardyń barlyǵy ákimshilik jaýapkershilikke tartyldy.

Sonymen qatar, QR ÁQBK-niń 518-baby boıynsha, ıaǵnı sheteldikterdi jáne azamattyǵy joq adamdardy qabyldaıtyn jeke nemese zańdy tulǵalardyń kóshi-qon zańnamasyn buzǵany úshin - 148 jáne QR ÁQBK-niń 519-baby boıynsha,  sheteldik jumys kúshin QR zańnamasyn buza otyryp tartqany úshin 60 azamatqa ákimshilik shara qoldanyldy.

Qazaqstan Respýblıkasynyń memlekettik shekarasyn zańsyz kesip ótkeni úshin Ózbekstan Respýblıkasynyń 3 azamatyna qatysty QR Qylmystyq kodeksiniń 392-baby boıynsha qylmystyq is qozǵaldy.  

Kóshi-qon zańnamalaryn buzýǵa jol bergen  11 sheteldik jáne Ózbekstan Respýblıkasynyń 162 azamaty respýblıka aýmaǵynan alastatylyp, 551 sheteldiktiń Qazaqstan Respýblıkasynda bolý merzimderi qysqartyldy.

Aǵymdaǵy jyldyń alty aıynda kóshi-qon polısıasy qyzmeti bólinisterimen 12 mln.-nan astam teńgege aıyppul salynyp, onyń 95% óndirildi.

Sonymen qatar, jyl basynan 8681 ruqsat rásimdelip, jergilikti búdjetke salyq retinde 85 mln. 650 myń 512 teńge túsim tústi.