20 shildede Zagreb qalasynda Qazaqstan Respýblıkasynyń Elshisi Tólejan Barlybaev Horvatıa Respýblıkasynyń Prezıdenti Kolında Grabar-Kıtarovıchke senim gramotalaryn tapsyrdy, dep habarlaıdy Qamshy.kz aqparat agenttigi.
Saltanatty sharada otandyq dıplomat Memleket basshysyn Qazaqstan Respýblıkasynyń Prezıdenti Nursultan Nazarbaevtyń atynan Horvatıanyń Memlekettik kúnimen quttyqtady jáne Horvatıa halqyna eń izgi tilekterin jetkizdi.
Qazaqstan men Horvatıa arasyndaǵy dıplomatıalyq qarym-qatynastardyń 25 - jyldyǵynyń aıasynda, Elshi qazaqstandyq-horvat yntymaqtastyǵynyń keshendi túrde nyǵaıýyn jáne halyqaralyq arenada eki el arasyndaǵy yntymaqtastyqty tereńdetýge baǵyttalǵan Astananyń dáıekti saıasatyna nazar aýdardy.
Prezıdent K. Grabar-Kıtarovıch saıası dıalogty damytýda eleýli áleýetti atap ótti, sondaı-aq Horvatıa men Qazaqstan arasyndaǵy saıası, mádenı, saýda-ekonomıkalyq salalarynda ózara yqpaldasýǵa jáne eki eldiń halyqaralyq sahnada birlesken ózara is-qımyldarǵa óziniń daıyndyǵyn bildirdi. Horvatıanyń Memleket basshysy Qazaqstandyq dıplomatqa tabysty jumys tiledi.