Áleýmettik jelide Atyraý qalasyndaǵy munaı kompanıalarynyń birinde oryn alǵan jaǵdaıdyń vıdeosy taraldy. Oqıǵa Qarabatan vahtaly qalasynda bolǵan, dep habarlaıdy Qamshy.kz aqparat agenttigi.
Vıdeoda asqanadaǵy tamaqtar men sýsyndy taratyp turǵan jigittiń jergilikti turǵyndardan banandy tyǵyp turǵany kórinedi. Al sheteldik jumyskerlerdiń kezegi kelgen sátte olar banandardy shyǵaryp, shetel azamattaryna bere bastaıdy. Atalmysh vıdeorolık 20 myńnan astam kórilimge ıe bolǵan, sonymen qatar 300-eı qazaqstandyqtar pikir jazyp, narazylyqtaryn bildirgen.
Pikir jazǵan áleýmettik jeli qoldanýshylarynyń aıtýynsha, Atyraýdaǵy kez kelgen kompanıalarda mundaı olqylyqtar kezdesedi eken.
