21 shildede Almaty oblysy Úsharal qalasynyń áýejaıy ashylyp, áýejaıǵa Astanadan alǵashqy reıspen demalýshylar ushyp keldi, dep jazady Qamshy.kz aqparat agenttigi. Mundaǵy eski áýejaıdan sońǵy ushaq osydan shırek ǵasyr buryn ushqan bolatyn.  Bul týraly Almaty oblysy ákiminiń baspasóz qyzmeti habarlaıdy.

Saltanatty sharada oblys ákimi A. Batalov óńirde týrızmdi órkendetý baǵytynda atqarylyp jatqan sharalar, sonyń ishinde ınfraqurylymdy damytý, týrısik nysandardyń qurylysy jaıly aıtyp ótti.

«Búgin bárimiz úshin - tarıhı kún. Elbasynyń oblysymyzǵa 2014 jyly issaparmen kelgende bergen tapsyrmalarynyń biri - Alakól kólinde týrısik salany damytý bolatyn. Soǵan sáıkes óńirde týrısik ınfraqurylym qarqyndy damyp, zamanaýı týrısik nysandar, qonaq úıler kóptep salynýda. Sonyń nátıjesinde Alakólge elimizben qatar TMD-dan, tipti alys shetelderden de demalýǵa azamattar kelip jatyr. Alakóldiń týrısik potensıaly zor. Jańa áýejaıdyń ashylýy týrısik salanyń odan ári damýyna tyń serpin beredi dep oılaımyn», - dedi A. Batalov.  

Sonymen qatar Almaty oblysynyń Qurmetti azamaty Muhtar Joljanov, aýdannyń basqa azamattary kópshilikke óz quttyqtaýyn jetkizip, memlekettik qoldaýǵa rızashylyǵyn bildirdi.