Búgin Almaty ákimi Baýyrjan Baıbek «Almaty» áleýmettik-kásipkerlik korporasıasy UK» AQ-nyń ujymyna basqarmanyń jańa tóraǵasy Muhıt Ázirbaevty tanystyrdy, dep habarlaıdy Qamshy.kz aqparat agenttigi. Korporasıanyń burynǵy basshysy Murat Dáribaev Almaty qalasy ákiminiń orynbasary bolyp taǵaıyndalǵan bolatyn.
Murat Dáribaevtyń basshylyǵymen «Almaty» áleýmettik-kásipkerlik» UK» AQ-y 2016 jyldyń qorytyndysy boıynsha alǵash ret 3,4 mlrd teńge kóleminde paıdaǵa qoljetkizdi. Sońǵy jyly 423,8 mln teńge salyq tólendi, al 2015 jyly tólengeni nebári 41,7 mln. teńge bolatyn. ÁKK-niń 2017 jylǵy alǵashqy jartyjyldyǵynyń qarjy-ekonomıkalyq qyzmetiniń aldyn ala jasalǵan qorytyndysy boıynsha 611,4 mln. teńge kóleminde tabys túsken, al buǵan utymdy basshylyqtyń ári shyǵyndardy ońtaılandyrýdyń arqasynda qol jetti.
Sońǵy 2 jyl ishinde ÁKK ekologıa, jol qaýipsizdigin qamtamasyz etý, abattandyrý jáne basqa máseleler boıynsha ınvestısıalyq jobalardy júzege asyrý jumystaryn belsendi júrgizdi.
QR Premer-Mınıstriniń kelisimimen jáne korporasıa dırektorlar keńesiniń sheshimimen «Almaty» ÁKK UK» AQ-nyń jańa basqarma tóraǵasy bolyp Muhıt Ázirbaev taǵaıyndaldy.
Ol Almaty qalasynda týylǵan, T.Rysqulov atyndaǵy Qazaq ekonomıkalyq ýnıversıtetin bitirgen, mamandyǵy boıynsha ekonomıka menedjeri.
Jeke sektorda jınaqtaǵan mol tájirıbesi bar, «Qýatagro» agroholdınktik kompanıanyń bas dırektory qyzmetin atqarǵan, túrli kezeńderde «ABN AMRO Bank» jáne «Kazkommersbank» AQ-da jumys istegen. 2009 jyldan kúni búginge deıin Global Building Contract» JSHS-niń Qadaǵalaýshy keńesiniń tóraǵasy bolǵan.
Qoǵamdyq ispen belsendi túrde aınalysady, «Qazaqstannyń qala qurylysy» qoǵamdyq uıymynyń vıse-prezıdenti, «Samruq-Qazyna» jyljymaıtyn múlik qory» AQ-nyń táýelsiz dırektory, «Atameken» UKP qurylys jáne TKSH jónindegi Komıtetiniń múshesi, «QR qurylys salasynyń ulttyq asosıasıasy» qoǵamdyq uıymynyń prezıdenti. 2016 jyly Almaty qalasynyń VI shaqyrylymyndaǵy Máslıhat depýtaty. 2017 jyldyń mamyrynan Almaty qalasy jeńil atletıka Federasıasynyń prezıdenti.
