Orta salmaqtaǵy WBA (Super), IBO, WBC jáne IBF tujyrymdary boıynsha álem chempıony qazaqstandyq boksshy Gennadıı Golovkın Big Bear jattyǵý lagerinde ótken Radio Rahim TV radıosyna suhbat berdi, dep habarlaıdy Qamshy.kz aqparat agenttigi Vesti.kz-ke silteme jasap.
Suhbat kezinde GGG bapkeri týraly jáne Abel Sanchestiń qol astynda ótkizgen birinshi jattyǵýy jaıly, jeke ómiri týraly aıtyp berdi. «Meniń árbir kezdesýim bir birinen erekshe. Biraq shynynda «Kaneloǵa» qarsy ótetin kezdesý meniń kareramdaǵy eń mańyzdy jekpe-jek bolady. Degenmen men jattyǵý jumystaryma eshqandaı ózgeris engizgen joqpyn: jattyǵý zalynda tynbaı ter tógip, zalda jumys isteımin. Men óz jumysymdy bilemin.
Sanchespen birge jumys isteýge uzaq úırenistim dep aıta almaımyn. Onymen ótkizgen birinshi jattyǵýym da esimde. Men kishkentaı ǵana sýmkamen kelgen edim. Túsinesizder me, boks – meniń ómirimniń bir bólshegi. Boks maǵan kerek. Bul tek meniń jumysym ǵana emes. Sanches – keremet adam. Óz isiniń naǵyz sheberi. Men oǵan senemin. Bastysy – tynbeı eńbek etý. Jattyǵýǵa baryńdy arnaý kereksiń. Nazaryń jattyǵýda bolý kerek. Sol kezde ǵana chempıon bolasyń. Eger jattyǵýǵa nemquraıly qaraıtyn bolsa, eshteńege qol jetkize almaısyń. Ýaqytyń da zaıa ketedi. Meni álemniń úzdik boksshysy degen teńeýmen kelispeımin. Ár boksshy ártúrli. Biriniń stıli basqa, biriniń talanty myqty, biriniń múmkindikteri kóp. Sondyqtan da men álemniń úzdik boksshysymyn dep aıta almaımyn. Iá, Muhamed Álı – uly boksshy. Alaıda men odan keıin ekinshi orynda da turǵan joqpyn. Bizdiń barlyǵymyzdyń erekshelikterimiz bar. Aýyr salmaqtaǵy boksshylar – iri deneli, soqqylary aýyr. Jeńil salmaqtaǵylar – jyldam. Meni ekinshi qoıǵyńyz keledi me? Bul men úshin qyzyq emes. Men úshin P4P reıtıńi de mańyzdy emes. Big Bear-de men tolyq daıyndala alamyn. Munda men jekpe-jekke eki aı qalǵanda kelemin. Shamamen 10-12 apta boıy jekpe-jekke daıyndalamyn. Bul da meniń ómirimniń bir bóligi. Boks – qaýipti jumys. Biraq meniń sporttyq kareram ómirimniń tolyq bólshegi emes. Jeke ómir men boksty salystyrýǵa kelmeıdi. Tanymaldylyq? Maǵan ol da qyzyq emes. Tanymal bolǵym kelmeıdi. Jáne ol maǵan eshqashan áser de etpegen. Men boksshymyn. Iá, meni kópshilik tanyp jatady. Deıturǵanmen maǵan «ol juldyz», «ol tanymal» degen áńgimeler áser etpeıdi. Rıngtiń syrtynda men qarapaıym adammyn. Juldyz emespin. Men óz halqymnyń batyry da emespin. Shynymen. Men úshin ol asa mańyzdy emes. Alvarespen ótetin jekpe-jek men úshin mańyzdy. «Kanelo» – erekshe boksshylardyń biri. Biraq ol da sýperchempıon emes. Bizdiń jekpe-jegimiz boks úshin úlken oqıǵa dep oılaımyn. Qaısymyzdyń jeńetini mańyzdy emes. Ol ma, álde men be? Biraq bul ekeýmiz úshin de úlken jeńis bolaıyn dep tur. Keıbireýler bul jekpe-jekte reıtıńtiń, P4P kórsetkishindegi oryn, myqty ekeni anyqtalady dep oılaıdy. Alaıda, bastysy – jeńis», – deıdi Golovkın.
Eske salaıyq, Golovkın-Alvares jekpe-jegi 16 qyrkúıekte Las-Vegastaǵy 20 myń adam sıatyn T-Mobile arenasynda ótedi.
