"Birinshi qańtar", "Novyı god" dep jyly qarsy alǵanymyzben «tótenshe, sýyq» jaılardyń dál osy kúni oryn alatyny belgili. Otqa kúıetinine kózi jetse de kóbelektiń kózsiz erligin qaıtalaýda qazaqtyń aldyna TMD-da eshkimnyń dáti baryp túse qoımas.
Dál sol kúni tonaý, urlyq, zorlyq t,b. aıtar aýyzǵa aýyrlyq qylatyn qylmystyń quıtyrqy túrleri «iske qosylady». Dál osy «aıtýly kúnge» búkil qazaq qazirden bastap qamdanyp ketti. Almatynyń abattanǵan kóshelerindegi brendtik dúkender men kofehanalar menmundalap bezenip tur.
Este bolsa,oǵan deıinde ataýsyz qaldyrýǵa,quttyqtaýdy «qaza» qylýǵa bolmaıtyn merekemiz bar edi ǵoı? Táýelsizdik meıramy! Ataı kórmeńiz. Orys merekesiniń qazaq ortasyndaǵy nasıhatyna meıram aldy jasalar túrli jeńildikter men jarnamalar jumys isteıdi. Jańa jyldyq kýpon t,b. qaptaǵan jeńildikten Aıaz atanyń qapshyǵyn toltyrýǵa bolǵandaı. Baılanys quraldaryna deıin jańa jyldyq arnaıy tarıfterin shyǵaryp álek. Oǵan derek, malaqaıyn basa kıgen myna jarnamashylar.
Bunyń bári bir ǵana meıramnyń aıasynda usynylyp otyrǵan jeńildikter. Siz "Táýelsizdik tarıfi" degendi estip kórdińiz be? Nemese sol kúni baılanys quraldaryna jeńildik jasaǵany týraly « Táýelsizdik » meıramyna qarsy jeli ishinde 300 sms, 45 mınýt qońyraý, 200 mbaıt tegin degen habarlama keldi me qaltafonyńyzǵa? Kelmeıdi, áýre bolmańyz. Jarnamanyń júzin jasasyn, biraq, jarnamasyn jasaýǵa jaǵdaı týdyryp otyrǵan eldiń tarıhyna, ulttyq qundylyǵyna nege syılastyqpen qaramaıdy? 16-jeltoqsannan ári nasıhattasa sol tarıfi ótpeı qalmaıdy emes.
Odan keıin halyqta Táýelsizdik kúnine qaıdan qulshynys bolsyn?
Orynbasar Baqtybekov
