Búgin Elbasy tapsyrmasyn oryndaý maqsatynda QR Premer-Mınıstriniń orynbasary – Aýyl sharýashylyǵy mınıstri A.Myrzahmetov jumys saparymen Batys Qazaqstan oblysyna baryp, sapar barysynda «Qazaqstannyń úshinshi jańǵyrýy: jahandyq básekege qabilettilik» atty Qazaqstan halqyna Joldaýynda aıtylǵan tapsyrmalardyń júzege asý barysymen tanysty dep habarlaıdy Qamshy.kz aqparat agenttigi QR ASHM Baspasóz qyzmetine silteme jasap.
Batys Qazaqstan oblysynyń ákimshiliginde AÓK-ti damytýdyń memlekettik baǵdarlamasyn júzege asyrý, ondaǵy mindettemelerdi oryndaý boıynsha bekitilgen ındıkatorlary men sharalar jetistigi týraly jınalys ótkizildi. Mal sharýashylyǵyna, onyń ishinde mal sharýashylyǵy ónimderin qaıta óńdeý jáne mal dárigerlik qaýipsizdikke erekshe kóńil bólindi. Jınalysqa Batys Qazaqstan jáne Aqtóbe oblystary ákimshilikteriniń, agrobıznestiń, salalyq odaqtardyń jáne «Atameken» UKP ókilderi qatysty.
Memlekettiń baǵdarlama aıasynda bıylǵy jyly sýbsıdıanyń 65 túri qarastyrylyp, nátıjesinde 11 tıimsiz sýbsıdıany alyp tastap, 40 sýbsıdıanyń ólshemderi ózgertildi. Al 14-i esh ózgerissiz qaldy.
Mal sharýashylyǵynda ólshemderdi ózgertý dál sol qarjy sheńberinde sýbsıdıa alýshylardyń sanyn bir esege arttyrdy. Eger buryn sıyr maly boıynsha sýbsıdıany 175 sharýashylyq alsa, qazir ol 522-ge nemese 100%-ǵa artty; sút boıynsha 2 ese; qoı maly boıynsha 1,3 ese, teri boıynsha 3,6 ese artty.
Sondaı-aq qoıdy sýbsıdıalaý odan góri tıimdirek qozymen almastyryldy.
Teri óńdeý boıynsha jumys istep turǵan kásiporyndardyń júktemeni oryndaı almaýyna baılanysty tek jińishke ǵana emes, jartylaı jińishke jún túrlerin sýbsıdıalaý qarastyryldy.
Bıylǵy jyldyń 1 shildedegi jaǵdaıy boıynsha Batys Qazaqstan, Aqtóbe oblystarynda iri qara maldyń, usaq qara maldyń, jylqylardyń, qustardyń sanynyń kóbeıý úrdisi baıqaldy.
BQO boıynsha et óndirý 3,1 %-ǵa artyp, 19,9 myń tonna boldy, sıyr súti 0,5 %-ǵa deıin artyp, 117,2 myń tonna, taýyq jumyrtqasy – 5,5 %-ǵa deıin artyp, 80,6 mln. dana boldy.
Aqtóbe oblysy boıynsha da et óndirisi 5,7 %-ǵa artyp, 32,9 myń tonna, sıyr súti 2,7 %-ǵa artyp, 154,2 myń tonna, taýyq jumyrtqasy – 6,0 %-ǵa artyp, 87,1 mln. dana boldy.
AÓK-ti damytýdyń basym baǵyttarynyń biri – shaǵyn jáne orta sharýashylyqtardy aýylsharýashylyq kooperasıalaryna biriktirý bolyp tabylady.
Aýylsharýashylyq kooperatıterin qurý boıynsha jumysty iske asyrý maqsatynda Mınıstrlikte olardy «Aýyl sharýashylyǵyn qarjylaı qoldaý qory» AQ arqyly sút qabyldaý jáne mal bordaqylaý pýnkterin alǵashqy jarnasyz lızıńke berý arqyly alý syzbasy jasaldy. Alǵashqy jarna retinde jalpy qunnan 50% kóleminde bólingen salym sýbsıdıasyn paıdalaný qarastyryldy.
2017 jyldyń 21 shildesindegi jaǵdaı boıynsha respýblıkada jyldyq jospardaǵy 467 ASHK-niń 517 ASHK qurylǵan.
Jınalys barysynda agrarlyq qaıta óńdeýdi damytý máseleleri qarastyryldy.
QR ASHM aǵymdaǵy jaǵdaıyn, qýatyn, bastaý jylyn, qurylǵylar túrin, shyǵarylatyn ónimniń júktemesi men kólemin qosa alǵandaǵy ónimderdi uqsatý kásiporyndarynyń málimetter bazasyn qurdy.
Búgingi kúnde qurylǵan málimetter boıynsha respýblıkada 1345 qaıta óńdeý kásiporyndary belsendi jumys jasap jatyr. Sút, et, teri, maı jáne daqyl ónimderin, tuqymdar men kókónister, qant qyzylshasyn jáne kartopty qaıta óńdeıtin 435 kásiporynnyń ishinde ónimderdi uqsatýdyń 9 basym túri anyqtaldy. Solar boıynsha ár oblysy, ár aýdan boıynsha agrarlyq qaıta óńdeý kásiporyndarynyń naqty ornalasý kartasy jasaldy.
Veterınarlyq qaýipsizdik máselesine erekshe nazar aýdaryldy. Birinshi jarty jyldyqta respýblıkada aldyńǵy jyldarmen salystyrǵanda janýarlardyń óte qaýipti aýrýlarynyń jalpy epızootıkalyq jaǵdaıynyń jaqsarǵanyn kórýge bolady. Bul respýblıkadaǵy veterınarlyq qyzmettiń ártúrli tarmaqtarynyń ózara tıimdi jumys isteýi arqasynda oryn alyp otyr. Onyń ústine bıylǵy jyly qoldanylatyn sharalardy kúsheıtý jáne naqtylaý, eń bastysy ekpe jáne dıagnostıkalyq zertteý máseleleri boıynsha birikken qadamdyq áreketterdiń Jospary jasalyp jáne bekitildi.
Aqtóbe oblysynda 2017 jyldyń birinshi jarty jyldyǵynda óte qaýipti aýyl sharýashylyǵy malynyń 6 (qutyrýdyń 4 oshaǵy, pasterellez ben emkaradyń 1 oshaǵy) oshaǵy tirkeldi. Brýselezdiń (İri qara mal arasynda) 6 pýnkti tirkeldi.
Jınalys barysynda Vıse-premer fermerlerdiń barlyq qyzyǵýshylyq tanytqan suraqtaryna jaýap berdi.
Sondaı-aq, jumys sapary kezinde A.Myrzahmetov Jáńgir Han atyndaǵy Batys Qazaqstan agrarlyq-tehnıkalyq ýnıversıtetine, «POSH Rýno» JSHS teri óńdeý kásipornyna bardy.
