Astana qalasy ákimdiginiń jumyspen qamtý ortalyǵynda prokýratýra, jergilikti polısıa ókilderi men jumys berýshilerdiń qatysýymen oqýshylardy jumyspen qamtý boıynsha kezdesý ótti dep habarlaıdy Qamshy.kz  aqparat agenttigi Astana ákimdiginń baspasóz qyzmetine silteme jasaı otyryp.

Astana qalasy İİD jergilikti polısıasynyń ıývenaldyq polısıasy jyl saıyn quqyq buzýshylyq áreket jasaǵan kámelet jasqa tolmaǵandardy ońaltý aıasynda olardy jumysqa ornalastyrý jáne jaz mezgilinde bos ýaqyttaryn uıymdastyrý sharalaryn ótkizedi. Bul baǵyttaǵy jumystarǵa Astana qalasynyń jumyspen qamtý, eńbek jáne áleýmettik baǵdarlamalar, jastar máseleleri jónindegi, bilim basqarmalary jáne elorda prokýratýrasy tikeleı jáne belsendi túrde qatysady.

Ortalyqqa jumys izdep 16 men 18 jas aralyǵyndaǵy 10 bozbala kelgen.

«Skıf Treıd» JSHS, «Magnumcash&carry», «Krepej Market» JSHS olarǵa bólshekteýshi, satýshy, júk tıeýshi, kasır jáne saýda ókili jumystaryn usyndy.

 - Bizdiń kezdesýimizdiń negizgi maqsaty –jumysqa ornalasýǵa kómektesý, ózge memlekettik organdarmen qarym-qatynas ornatý, balalarǵa qıyn jaǵdaıda kómek kórsetý, - dedi turǵyndardy jumyspen qamtý ortalyǵy dırektorynyń áleýmettik suraqtar boıynsha keńesshisi Arnur Iskakov.