QR Prezıdenti Ákimshiliginiń jáne Almaty qalasy máslıhatynyń kelisimimen Alataý aýdanynyń jańa ákimi bolyp, Shahmerden Ryspaev taǵaıyndaldy. Almaty ákimi Baýyrjan Baıbek aýdan ákimdiginiń ujymyna jańa basshylaryn tanystyrdy, dep habarlaıdy QazAqparat tilshisi qalalyq ákimdikke silteme jasaı otyryp, dep habarlaıdy Qamshy.kz aqparat agenttigi.

Shahmerden Ryspaev - jeke sektorda da, memlekettik basqarý  isinde de tájirıbesi bar. Memlekettik qyzmetti 2001 jyly Almaty qalasynyń Qorshaǵan ortany qorǵaý basqarmasynyń jetekshi mamany retinde bastaǵan.

2002 - 2005 jyldar  aralyǵynda «Medeý» memlekettik tabıǵı parkiniń aǵa konsýltanty qyzmetin atqarǵan.

2010 - 2015 jyldar aralyǵynda Almaty qalasy Alataý aýdany ákimdiginiń memlekettik-quqyq bóliminiń bastyǵy bolǵan.

2015 jyldan bastap Almaty qalasy Alataý aýdany ákiminiń orynbasary qyzmetin atqarǵan.

Eske sala keteıik, buryn aýdan  ákimi bolǵan Baǵdat Manzorov Almaty qalasy Memlekettik sáýlet- qurylys baqylaý basqarmasynyń  basshysy bolyp taǵaıyndalǵan edi.

Alataý aýdanynda 9 jyl ishinde 4 jańa emhana, 9 mektep, 12 memlekettik balabaqsha, Atletter aýyly, «Almaty arena» kesheni salyndy.

«Alǵabas-6», «Nurkent», «Aqkent» yqsham aýdandarynda turǵyn keshenderiniń qurylysy jalǵasýda.