Elimizdiń ulttyq rýhanı qundylyǵyn ózge el aldynda tanytatyn birden-bir eskertkishterge az-kem toqtalsaq. Túrkistan qalasynan ońtústikke qaraı 4 shaqyrym jerde Túrkistan-SHáýildir avtokólik jolynan solǵa qaraı 500 metr qashyqtyqta Gaýhar ana kesenesi ornalasqan.  Ańyz sarynyna, shejire derekterine súıensek, Qoja Ahmet Iassaýıdiń qyzy Gaýhar anamyzdyń beıitiniń basyna óz zamanynda kúıgen kirpishten kishigirim kesene turǵyzylypty. Alaıda, HH ǵasyrdyń basyndaǵy surqıa saıasattyń saldarynan kesene buzylyp, kirpishi tonalǵan eken. Bul olqylyqty istiń orynyn toltyrý maqsatynda «Áziret Sultan» memlekettik tarıhı-mádenı qoryq murajaıy 2015 jyly Gaýhar ana basyna qaıta kesene ornatty. Kelbetine kórki saı kesene aýmaǵyndaǵy negizgi jumystar 2016 jyldan bastap qolǵa alyndy. Jantaq, sheńgel basqan aýmaq gúlzarlarmen abattandyrylyp júıeli túrde aǵash kóshetteri otyrǵyzyldy. Eskertý, belgi taqtaıshalary qaıta jańartylyp, jaryq shamdar, Gaýhar ana kesenesi týraly 3 tilde jazylǵan aqparattyq taqtaısha ornatyldy. Kesene aldyndaǵy avtoturaq aýmaǵy tegistelip, aınalasy temir sharbaqpen qorshalyp, tas tóseý jumystary júrgizildi.