Qyzylorda oblysynda bir jarym ǵasyrǵa jýyq jer astynda kómýli jatqan qasıetti kitap tabyldy dep habarlaıdy  Qamshy.kz aqparat agenttigi 24.kz-ke silteme jasaı otyryp.

19-ǵasyrǵa tıesili qundy jádiger Jalaǵash aýdanyndaǵy Myrzabaı áýlıe mazarynyń mańyn qazǵan kezde shyqqan. Óz zamanynyń áýlıe, emshisi bolǵan ahýn Myrzabaı Azamatuly 1833 jyly Syr óńirinde ómirge kelgen. Kóne kitapty baba qorymyn qaıta jóndemek bolǵan urpaqtary taýyp aldy. Sol ýaqytta qazaq jerinde azattyqtyń tańy atatynyn aıtyp ketken áýlıe qasıetti Quran kitabyn alasapyran zamanda ózi kómgenge uqsaıdy. Muqabalary shirip, paraqtary jyrtylǵanmen, jazýlary anyq saqtalypty.

«Balam ekeýmiz meshittiń ishine jóndeý jumystaryn jasap jatqan bolatynbyz, bir buryshty qazyp jatqanda  bir kitapty kózim shaldy. al Quran kitap eken. Kitap óte eski. Bir jarym ǵasyr jer astynda jatqandyqtan kitaptardyń kóbisi shirigen, al jartasynyń jazýlary anyq kórinedi. Kitapta ne jazylǵanyn ǵalymdar anyqtap berse eken»,- deıdi Myrzabaı áýlıeniń shóberesi Oraz Salqashuly.