2  tamyz kúni qazaqstandyq dıplomattar Mysyrda tutqyndalǵan 6 azamatty Kaır áýejaıynan shyǵaryp salyp, elge qaıtardy, dep habarlaıdy Qamshy.kz aqparat agenttigi QR SİM baspasóz qyzmetiniń jetekshisi Ánýar Jaınaqovqa silteme jasap.

1 tamyz kúni Mysyrdyń ulttyq qaýipsizdik qyzmeti Qazaqstan elshiligimen baılanysqa shyǵyp sol elde ustalǵan alty qazaqstandyqtardy elge qaıtaratyndyǵyn aıtqan.

Qazaqstan elshisi dereý áýejaıǵa baryp, otandastarymyzben kezdesken. Mysyrda qolǵa  túsken alty otandasymyz elge aman-esen oraldy.

«Qazaqstnadyq alty azamat búgin Mysyrdan óz eline aman-esen oraldy. Qazir olar óz úılerine ­týystary men jaqyndaryna bara jatyr», - dep jazdy Ánýar Jaınaqov óziniń Facebook paraqshasyna.

Esterińizge sala ketsek, eki apta buryn Mysyrda bizdiń alty otandasymyz joǵalyp ketti degen aqparat taraǵan. Keıinnen olardy polısıa qyzmetkerleri tutqyndap alyp ketkendigi belgili boldy. Alaıda ,olardy qandaı sebeppen tutqyndaǵany áli kúnge deıin belgisiz.