Almatyda «Ońaı» elektrondy bılettendirý júıesiniń saralanǵan tarıfi engizilgeli beri 144 avtobýs júrgizýshisine aıyppul salyndy, dep  Qamshy.kz aqparat agentigi.

Aıta ketý kerek, «Almaty kólik holdıńi» men qalalyq Jolaýshylar tasymaly jáne avtomobıl joldary basqarmasynyń kóliktik baqylaý ınspeksıasynyń ókilderi kún saıyn reıdke shyǵyp júr.

Tekserý jumystarynyń arqasynda 66 júrgizýshiniń jolaýshylardy bıletsiz tasymaldaǵandyǵy anyqtaldy. 78 jaǵdaıda júrgizýshiler aıaldamaǵa toqtamaı ótip ketken.

Bıletsiz adam tasymaldaǵan júrgizýshilerge 5 AEK kóleminde aıyppul salyndy. Saralanǵan tarıf engizilgeli beri 186 jolaýshyǵa 800 000 teńge kóleminde aıyppul salyndy.

«Biz reıd barysynda anyqtalǵan málimetterdi kóre otyryp, tasymaldaýshy kásiporyndar júrgizýshilerdiń qandaı zańbuzýshylyqtar jasaıtyndyǵyn kórip, bildi degen senimdemiz. Olardyń áreketinen jolaýshylar japa shegedi. Jolaqysyn tólese de, bılet talap etpeı, sol úshin aıyppul tólep jatqandar bar», – dedi «Almaty kólik holdıńi» JSHS dırektory Sadır Hamraev.