Belgradta Qazaqstannyń Serbıadaǵy Tótenshe jáne ókiletti elshisi Nurbaq Rústemov Serbıa prezıdenti Aleksandr Výchıch jáne Serbıa premer-mınıstriniń birnshi orynbasary Ivıs Dachıch kezdesý ótkizdi, dep jazady Qamshy.kz aqparat agenttigi.

Taraptar Qazaqstan-Serbıa yntymaqtastyǵynyń keleshegin, ishki saıası jáne eki el arasyndaǵy áleýmettik-ekonomıkalyq qalyptasý máselelerin talqylady. Sondaı-aq Serbıa men Balqan elderi aýmaǵyndaǵy syrtqy saıası jaǵdaılar da nazardan tys qalmady.

Qazaqstandyq dıplomat Serbıa basshylyǵyna Qazaqstan men Serbıa arasyndaǵy saýda-ekonomıkalyq qarym-qatynastyń nyǵaıyp kele jatqanyn aıtyp, bolashaqtaǵy eki jaqty saparlar jaıyn da sóz etti. Serbıa prezıdentine Elbasy Nursultan Nazarbaevtyń atynan EKSPO-2017 halyqaralyq kórmesine qatysqany úshin alǵys hat tabystaldy.

Aleksandr Výchıch te Qazaqstanǵa qonaqjaılylyǵy úshin alǵysyn bildirip, «EKSPO-2017» kórmesiniń joǵary deńgeıde uıymdasytyrlǵanyna tań qalysyn jasyrmady. Óz sózinde qazaqstandyq ınvestorlardy Serbıa naryǵyna belsendi túrde enýge shaqyryp, saýda-ekonomıkalyq salasynda ózleriniń áleýetin paıdalanýǵa daıyn ekenderin jetkizdi.