Elbasynyń «Bolashaqqa kózqaras: qoǵamdyq sanany jańǵyrtý» baǵdarlamysyn, «Atameken» baǵdarlamasy janyndaǵy «Jomart júrek» baǵdarlamasyn iske asyrý aıasynda Astanada kıim-keshek jınaý úshin arnaıy jáshikter paıda bolady dep habarlaıdy Qamshy.kz aqparat agentigi  Astana ákimdiginiń baspasóz qyzmetine silteme jasaı otyryp.

Atalmysh aksıanyń basty maqsaty - ózgeniń qıyn jaǵdaıyna selqos qaramaıtyn adamdardyń qoldanysta emes kıimderin kómekke zárý adamdarǵa úlestirý, kıim-keshek jınaý. 

Kerek emes aıaq kıim, kıim-keshekter men kitaptardy kez kelgen ýaqytta arnaıy ornatylǵan jáshikterge salýǵa bolady. 

Qıyn jaǵdaıǵa tap bolǵan ne bolmasa kómekke zárý adamdarǵa járdemdesý úshin endigide ózine qajet emes zattardy qoqysqa emes, arnaıy ornatylǵan jáshikterge salyp, tapsyrýǵa bolady: ol kıim-keshek, aıaq kıim, sporttyq qurylǵylar, kitaptar, oıynshyqtar men turmystyq texnıkalar, sómke jáne basqa da aksesýarlar bolýy múmkin, deıdi uıymdastyrýshylar.