Bilim berý granttary konkýrsynyń nátıjeleri barlyq qatysýshylardyń úmitin aqtamady, óıtkeni túlekterdiń 30% ǵana oqýǵa grant aldy. Bul stýdentterdiń kóbisi aqyly negizde oqıtyndyǵyn bildiredi dep jazady Qamshy.kz aqparat agenttigi. 

Sonymen, eger balańyz bir jaǵdaılarmen grantqa ilikpese, ári oqýǵa tóleıtin aqshańyz da jetkiliksiz bolsa, ne isteýge bolady?

Osy rette, stýdentter men talapkerlerge oqý aqysyn tóleýde qoldaý kórsetý maqsatynda Memlekettik bilim berý jınaqtaý júıesi engizilgen edi. Onyń sheńberinde stýdenttiń atyna jyldyq 10%-dan bastalatyn paıyzdyq mólshermen 12 jylǵa deıin kepilzatsyz kredıt rásimdeýge bolady. Bul jaǵdaıda Qazaqstan Respýblıkasy Bilim jáne ǵylym mınıstrligi «Qarjy ortalyǵy» (budan ári – Qarjy ortalyǵy) kepilger retinde ókilettik etedi.

Qarjy ortalyǵynyń kepildigimen bilim berý kredıtterin talapkerlerge de, Qazaqstannyń barlyq JOO-lary men kolejderiniń barlyq oqý nysandary boıynsha stýdentterine de alýǵa bolady.

Qazirgi ýaqytta bilim berý kredıtterin Qarjy ortalyǵynyń seriktes bankterinde ár túrli shartarda beriledi. 

Baǵdarlamanyń áreket etý geografıasy keń, seriktes bankter Respýblıkanyń barlyq óńirlerinde jumys isteıdi. Kredıtterdi berý mehanızmi birdeı: qaryz alýshy bankke baryp, konsýltasıa alady, resimdeýge qajetti qujattardy jınap, olardy bankke tapsyrady. Bilim berý kredıti qajettiligine qaraı ár semestr nemese jyl saıyn oqý orynnyń esepshotyna aýdarylady.

Qarjy ortalyǵynyń kepildigimen bilim berý kredıtin alý úshin bir nemese eki qosalqy qaryz alýshy qajet. Bul jaǵdaıda qosalqy qaryz alýshynyń tóleý qabilettiligi, ıaǵnı negizgi jumys orny boıynsha alǵan tabystary eskeriledi.

Kredıttiń somasy shektelmeıdi, bastysy, oqýdyń barlyq kezeńderi úshin oqý qunynan aspaýy tıis.

Aıta keter jaıt, baǵdarlama boıynsha jeńildikti kezeń bar, ıaǵnı oqý kezinde jáne oqý aıaqtalǵannan keıin 6 aıǵa kredıtti tóleý merzimi shegeriledi. Kredıti merziminen buryn óteý kez kelgen ýaqytta aıyppul sanksıalarynsyz júzege asyralady.

Bilim berý kredıtterin kepildendirý memlekettik baǵdarlamasynyń arqasynda stýdent óz kúshimen óz bolashaǵyn josparlaı alady.

Al balalarynyń tabysty bolashaǵyn jas kezinen bastap josparlaýǵa jáne oqýǵa aqy tóleýmen qınalmaıtyn adamdarǵa memleketten aqsha ala otyryp, Memlekettik bilim berý jınaqtaýshy júıesi sheńberinde bilim depozıtine bolashaq oqytýǵa qarjy jınaýǵa múmkindik beredi.

 Aıta keteıik, «Qarjy ortalyǵy» AQ Qazaqstan Respýblıkasy Úkimetiniń 2005 jylǵy 1 maýsymdaǵy № 541 qaýlysyna sáıkes Qazaqstan Respýblıkasy Bilim jáne ǵylym mınıstrligi «Qarjy ortalyǵy» memlekettik mekemesinen qaıta qurylý jolymen quryldy. 

«Qarjy ortalyǵy» AQ qyzmetiniń negizgi máni qarjy uıymdary beretin, aqshalaı nysanda oryndaýdy kózdeıtin bilim berý kredıtteri boıynsha kepildik berý, sondaı-aq buryn berilgen memlekettik bilim berý jáne stýdenttik kredıtterdiń qaıtarylýyn qamtamasyz etý bolyp tabylady.