AQSH prezıdenti Donald Tramp 11 tamyz kúni KHDR-ǵa qatysty jańa sanksıalardy engizý máselelerin qarastyryp jatqandyǵyn jetkizgen dep habarlaıdy Lenta.rý-ǵa silteme jasap Qamshy.kz aqparat agenttigi.
«Biz KHDR-ǵa qatysty qosymsha taǵy jańa sanksıalar engizýdi qarastyryp jatyrmyz. Bul sanksıalar óte salmaqty bolady»,-dedi Tramp óziniń Nú-Djersıdegi gólf-klýbynda.
Sonymen birge, ol Soltústik Koreıa máselesine qatysty KHR tóraǵasy Sı Szınpınmen telefon arqyly sóılesetinin aıtty. Osy oraıda AQSH prezıdenti KHDR-men arada ornaǵan qaqtyǵystyń asa qaýipti ekenin, alaıda ony beıbit jolmen sheshiletinine úmiti bar ekenin bildirdi.
