«Samuryq-Qazyna» ulttyq ál-aýqat qory» aksıonerlik qoǵamy Basqarmasynyń 2017 jylǵy 8 tamyzdaǵy sheshimimen Djaboldınov Asqar Sergeevıch «Samuryq-Qazyna Kontrakt» JSHS Bas dırektory bolyp taǵaıyndaldy dep habarlaıdy Qamshy.kz aqparat agenttigi  «Samuryq-Qazyna Kontrakt» JSHS baspasóz qyzmetine silteme jasaı otyryp.

Djaboldınov Asqar Sergeevıch 1981 jyly dúnıege kelgen. «Bolashaq» baǵdarlamasy aıasynda aqparattyq tehnologıalar mamandyǵy boıynsha Loughborough (Ulybrıtanıa) ýnıversıtetiniń magıstratýrasyn támámdaǵan.

Menedjment (qarjyny basqarý) mamandyǵy boıynsha Qazaqstan-Brıtan Tehnıkalyq Ýnıversıtetiniń túlegi.
Eńbek qyzmetin 2004 jyly bastaǵan. Saqtandyrý kompanıasynda jumys istegen, «Qazaqstan Halyq Banki» AQ jumys tájirıbesi bar.

Ár jyldary aqparattyq tehnologıalar salasynda IT mamany, IT júıesin súıemeldeý boıynsha departament dırektory, Basqarýshy dırektor – SQJMQ Basqarma múshesi bolyp jumys istegen.

Sońǵy jumys orny: Jobalar boıynsha basqarýshy dırektor –  «Samuryq-Qazyna» jyljymaıtyn múlik qory» AQ Basqarma múshesi.

«Samuryq-Qazyna Kontrakt» JSHS, «Samuryq-Qazyna» ulttyq ál-aýqat qory» AQ enshiles uıymy. Satyp alý máselesi boıynsha Qordyń ýákiletti organy bolyp tabylady.