«AQSH Aýǵanstandaǵy áskerı quramadan óz jaýyngerlerin alyp shyǵýy tıis», –  deıdi Aýǵanstan boıynsha Reseı prezıdentiniń arnaıy ókili Zamır Kabýlov. Bul týraly Qamshy.kz aqparat agenttigi reseılik BAQ-tyń málimetine súıenip habarlaıdy.  

«Máskeý Aýǵanstannan AQSH áskerlerin shyǵarýǵa asyqpaıtyn syńaıly. Aqyry AQSH áskeriniń qolynan túk kelmeıdi eken, olaı bolsa Aýǵanstannan da ketsin. Aýǵanstandaǵy amerıkalyq kampanıa quldyraýdyń ústinde tur», – dedi reseılik dıplomat.

Arnaıy ókildiń aıtýynsha, Aýǵanstan halyqaralyq terorızmniń álemdik ınkýbatoryna aınalǵan.

«AQSH-tyń eńsesi túsip qaldy jáne kásibı áskerdi jaldamaly áskermen almastyrý – aqymaqtyq. Bul ádis jaqsylyqqa aparmaıdy, jaldamalylar qur júgirgennen basqany bilmeıdi», –  dep qostady Kabýlov.

Aıta keteıik, AQSH 2001 jyldan beri Aýǵanstanda áreket etip keledi. Qazirgi ýaqytta elde 8,5 myńǵa jýyq amerıkalyq ásker júr. Alaıda AQSH-tyń aralasýynan eshqandaı oń ózgeris baıqalmaǵan.

Budan buryn AQSH áskerı qyzmetkerlerdi jaldamaly áskerlermen aýystyrýdy josparlap otyrǵany belgili bolǵan. Academi áskerı kompanıasynyń basshysy Aýǵanstanda 5,5 myń jaldamaly áskerdi ornalastyrýdy usynǵan.