Qazaqstan asa basymdyqty eldermen ınvestısıalar tartý boıynsha keshendi jáne pándik jumys júrgizedi. Bul týraly QR Úkimetiniń baspasóz ortalyǵynda ótken brıfıń barysynda ınvestısıalar jáne damý mınıstri Jeńis Qasymbek málimdedi dep habarlaıdy  Qamshy.kz aqparat agenttigi premer-mınıstrdiń baspasóz qyzmetine silteme jasap.

Jeńis Qasymbek búgingi tańda Ulttyq ınvestısıalyq strategıa aıasynda sheteldik ınvestısıalar tartý máselelerinde belsendi yntymaqtastyq júrgizý josparlanǵan basymdyqty elder anyqtalǵanyn jetkizdi.

«36 el – bul birinshi top, olardyń ishinen osy baǵytta birge jumys jasaýdy josparlap otyrǵan asa basymdyqty 11 eldi anyqtaımyz. 11 – bul ekonomıkamyzdyń negizgi ınvestorlary. Táýelsizdigimizdiń 25 jyly bul eldiń kóbine Qazaqstanǵa ınvestısıa salatynyn kórsetti. Túptep kelgende, olar jalpy álem boıynsha negizgi ınvestorlar bolyp tabylady. Olardyń ishinde, Germanıa men Fransıa sıaqty eýropalyq elder, sondaı-aq AQSH, Reseı, Qytaı, Ońtústik Koreıa, Japonıa jáne basqa da birqatar elder bar», – dedi J. Qasymbek.

Ol bul memlekettermen pándik jumys júrgiziletinin atap ótti, atap aıtqanda qazirdiń ózinde Kazakh Invest kompanıasynyń onda naqty jobalar men qorlar boıynsha núkteli jumys jasaıtyn óz ókilderi bar. Budan ózge, bul elderde ár elshiliktiń janynda ınvestısıalar tartý máselelerimen aınalysatyn elshiniń arnaıy keńesshisi bir jyl boıy jumys istep keledi.