Reseıdiń Novosıbırsk oblysyndaǵy Sladkoe kóli Qazaqstan Respýblıkasyna berildi dep habarlaıdy Qamshy.kz aqparat agenttigi Novosıbırsk oblysy Kýpıno aýdanynyń basshylyǵy portalynyń málimetine súıenip.
Kól Kýpıno aýdany ortalyǵynan 5 shaqyrym jerde ornalasqan. Shekarany anyqtaý jumystary aıaqtalǵansha, Sladkoe kóli Reseı Fererasıasynyń menshiginde bolǵan.
"Qazirgi ýaqytta shekarany belgileý jumystary aıaqtalǵan soń, Sladkoe kóli tolyǵymen Qazaqstan Respýblıkasynyń aýmaǵynda jatyr", – dep eskertti oblys basshylyǵy. Eskertý atalmysh kólge ań aýlaýǵa baratyn jergilikti jer turǵyndary men Novosıbırsk, Omby turǵyndaryna tikeleı qatysy ekenin jetkizdi.
Atalǵan jańalyqty otandyq aqparat agenttikteri jarysa jazýda. Sputnik Qazaqstan bul týraly málimet alý úshin Qazaqstannyń Syrtqy ister mınıstrligine habarlasqanyn jazdy, alaıda vedomstvo qandaı da bir aqparat berýge daıyn emes ekenin tilge tıek etti.
