Almatyda VI- shaqyrylymdaǵy máslıhattyń XIX sesıasy barysynda qalanyń 2017 jylǵa naqtylanǵan búdjeti 10,4 mıllıard teńge bolyp qabyldandy, - dep habarlaıdy Qamshy.kz aqparat agenttigi.
Qosymsha qarjy kózderi komýnaldyq menshiktegi birqatar nysandardy jekeshelendirý jáne ákimshilik aıyppuldardan tústi. "Almaty 2020 damý" Baǵdarlamasynyń tujyrymdaryna saı qalany damytý men azamttardyń áleýmettik qajettilikterin qamtamasyz etýge qatysty ózgeris engizildi.
Qalalyq ákimdiktegilerdiń aıtýynsha, 2017 jyldyń birinshi jartyjyldyǵynda İÓÓ aldyn ala jasalǵan málimet boıynsha 3 paıyz bolǵan. Sonymen qatar, bólshek saýda 6,8 paıyzǵa, ónerkásip 4,7 paıyzǵa, baılanys 4,9 paıyzǵa, turǵyn úı salý 15,6 paıyzǵa artqany aıtylady. Ótken jyldyń osy kezeńinde atalǵan salalar boıynsha kórsetkishter tómen bolǵan edi.
Sondaı-aq, baspasóz qyzmetiniń málimetinshe, respýblıkalyq búdjetke 7 aıdyń ishinde 705,3 mıllıard teńge tústi, bul ótken jyldyń osy kezeńimen salystyrǵanda 54,9 mıllıard teńgege kóp. Investısıa kólemi 235,7 mıllıard teńgege jetip, ósim 12,2 paıyz boldy. Negizgi ósim jeke ınvestısıa úlesiniń 84 paıyz bolýy arqasynda qamtamasyz etildi. Bıylǵy jyly ekonomıkaǵa tartylǵan memlekettik ınvestısıa kólemi 139 mıllardtan 160 mıllıard teńgege jetti, jergilikti búdjeti aýqymy artyp, 101 mıllıard teńgege ulǵaıdy.
"Almatyda ótken jyly tabystar boıynsha jergilikti búdjet 12,2 mıllıard teńgege, respýblıkalyq búdjet 102,6 mıllıard teńgege artyǵymen oryndaldy. Degenmen, búdjet alymy jyldan jylǵa ósip otyrǵan. Almaty elimizdiń eń iri megapolısi ekenin ári kóp ınvestısıany qajet etetinin eskersek, 2017 jyly qalanyń búdjettik alymy birshama azaıdy", - dep aıtyp ótti qalalyq ákimdiktiń baspasóz qyzmetindegiler.
Bilim salasyndaǵy negizgi problemalardyń biri synyptardyń tolymdylyǵy. Sondyqtan №198 mektep janynan qosalqy obekt salý úshin 28,4 mıllıon teńge bólindi.№138 gımnazıa janynan 600 oryndy nysan salý úshin 5 mıllıon teńge bólindi ári JSQ jasalýda. Almatydaǵy №2 gýmanıtarlyq-pedagogıkalyq kolejde 500 oqýshyǵa arnalǵan qosalqy nysan salý úshin 4,8 mıllıon teńge bólindi jáne JSQ daıyndalýda.
Balalardyń qaýipsizdigi úshin oqý oryndarynyń seısmıkalyq qýatyn arttyrýǵa jiti nazar aýdarylýda.Tili múkis balalar sabaq alatyn №9 mektep- ınternattyń seısmıkalyq qaýipsizdigin nyǵaıtý jáne JSQ daıyndaý úshin 8,5 mln. teńge bólinedi. Bıyl 42 bilim oshaǵynyń qurylysy men seısmıkalyq qaýipsizdigin júzege asyrý qarastyrylǵan. Bulardyń 29 obektisi bıyl iske qosylady.
Ákimdiktegilerdiń aıtýynsha, qala mektepteriniń oqý quraldaryn alý úshin 528,2 mıllıon teńge bólý josparlanǵan. Jeke bala baqshalarda baldyrǵandar sanynyń artýy barysynda memlekettik bilim tapsyrysy úshin 123 mıllıon teńge bólinedi. Buqaralyq kásipkerlik aıasynda jastar praktıkasyna qatysatyn 1,5 myń adamǵa 166,7 mıllıon teńge josparlanǵan.
Arnaıy áleýmettik qyzmet kórsetý otalyqtarynda qamqorlyqqa alýshylar qatarynyń 1 130 deıin jetýine oraı azyq- túlik ónimderin alý úshin 51,1 mıllıon teńge, dári- dármek úshin 17,1 mıllıon teńge bólý qarastyrylǵan. Áleýmettik qoldaý jáne ony tutynýshylar sanynyń artýyna baılanysty 43,8 mıllıon teńgege 144 kreslo-arbalar, 3,8 mıllıon teńgege 57 estý apparattary alynyp, 14,4 mıllıon teńgeniń Invataksı qyzmeti usynylady.
"Medısınalyq qyzmet sapasyn arttyrýǵa aıryqsha nazar aýdarylady, osyǵan oraı bul salaǵa qosymsha 1,2 mıllıard teńge bólinedi. Dárigerlerdiń biliktiligin arttyrýǵa jete mán beriledi. 83 medısınalyq jabdyq pen patologoanatomıalyq búroǵa 1 júk lıftin alý úshin 893,1 mıllıon teńge bólinedi. Densaýlyq saqtaý nysandarynyń seısmıkalyq qýattylyǵyn arttyrýǵa jáne 3 nysandaǵy jumysty aıaqtaýǵa 22,9 mıllıon teńge jumsalady. Bıyl 18 densaýlyq saqtaý nysany salynýda ári jóndelýde, olardyń 10 obektisi jyl aıaǵyna deıin iske qosylady", - dedi ákimdiktegiler.
Turǵyn úı- komýnaldyq qyzmetti jaqsartýǵa 3,8 mıllıard teńge qarastyrylǵan. Qazirgi kezde jylý júıelerin, sý qubyrlaryn jóndeý jumystary qarqyndy júrýde. Qalaǵa qosylǵan eldi mekenderdi jaryqpen qamtamasyz etýdi jaqsartý jáne qalanyń Ońtústik- Batys bóligindegi 153 gektar jerge ornalasqan aýmaqty elektrmen qamtamasyz etý úshin 2,8 mıllıard teńge qarastyrylǵan. Qalaǵa qosylǵan eldi mekenderde elektr jelisin salý úshin JSQ daıyndaýǵa 6 mıllıon teńge bólinedi.
"Óńirlerdi damytý-2020" baǵdarlamasy aıasynda 3,4 shaqyrym ınjenerlik ınfraqurylym, sý qubyrlary jóndeledi, kárizder jasalady. Dostyk yqsham aýdanynda osyndaı aýqymdy jumystardy júrgizý úshin 130,4 mıllıon teńge, Kalkaman-1,4 yqshamaýdanyna 53,3 mıllıon teńge bólinedi, arnaıy medqamtamasyz etýdiń qoıma bazasynyń qazandyǵyn salýǵa 30 mıllıon teńge qarastyrylǵan.
TÚKSH modernızasıalaý baǵdarlamasy aıasynda 58 úı keshendi jóndeledi, 43 úıdiń shatyryn jóndeýge 745 mıllıon teńge bólinedi. "Nurly jer" baǵdarlamasy boıynsha "Saıaly-2" kópqabatty úı úshin ınjenerlik jeliler salýǵa 104 mıllıon teńge bólinedi.
Sondaı-aq, ákimdiktiń málimetinshe, qalany abattandyrýǵa 593,4 mıllıon teńge jumsalady. Aryq jelilerin jaqsartýǵa basa nazar aýdarylady.5,9 km aryq jelisi men jaýyndy kanalızasıa qurylysyna 243,8 mıllıon teńge qarastyrylǵan. "AJK" AQ syrtqy jaryq kózderin qamtamasyz etýge 100 mıllıon teńge bólinedi. Qalanyń magıstraldi kóshelerindegi 5 jer asty ótpeli joldar jóndeledi.
Bıyl búdjetti naqtylaý barysynda 43,2 myń jańa jumys ornyn qurý qarastyrylǵan.
Jalpy, Almaty ákimdigi qala turǵyndary men qonaqtary úshin jaılylyq jumystaryn odan ári jalǵastyrady. Bıyl jol aıryqtaryn, qurylys nysandaryn, Ýnıversıada obektilerin, áleýmettik nysandardy salý men ashý sharalaryn ońtaılandyrý, túri qurylys jumystaryna MJÁ keńinen tartý, memlekettik satyp alý sharalaryn únemdeý barysynda túsken qarjy qala ekonomıkasyn arttyrýǵa jumsaldy.
Qalada turǵyndar úshin barlyq jaǵdaılar jasalýda,parkter men skverler abattandyrylýda, jaıaý júrginshi jáne velojoldar jasalyp, qorshaýlar alynýda, qoǵamdyq keńistik keńeıýde.
"Jibek Joly, Panfılov, Gogol, Qabanbaı batyr kósheleri men "Astana" alańy qaıta jasalyp, bularda jaıaý júrginshige basymdyq berilýde, aleıalar, jasyl landshaftar, velosıped joldary,balalardyń oıyn alańdary, ótpeli joldar jasalýda.
Jyl aıaǵyna deıin qaladaǵy 500 aýla jóndeledi, ár aýdanda 16 jaıaý júrginshi aımaǵy abattandyrylady.
146 shaqyrym jol jóndeledi, 97 myń sharshy metr trotýar abattandyrylady, uzyndyǵy 15 shaqyrym jol jáne 57 kóshedegi 42 shaqyrym aryq jelisi qaıta jasalady, 32 shaqyrym jylý júıesi jańǵyrtylady. 20 myń úıge 380 shaqyrym sý qubyry men káriz jelisi tartylýda, Fýrmanov, Abaı kósheleri úńgilenip, úsh jol aıryǵynyń qurylysy men jańa aýdandadaǵy joldar jasalyp jatyr", - dedi ákimdik ókilder.
Sondaı-aq, kólik reformasynyń júzege asyrylyp jatqany aıtylady. "Ońaı" jol kartasy jasalyp, 1 mıllıon 300 myń karta satyldy. 2016 jyly 137 jańa avtobýs satyp alyndy. Bıyl satyp alynǵan 60 jańa avtobýsqa qosymsha jyl aıaǵyna deıin taǵy da 300 jańa avtobýs alynady. Avtobýstar men troleıbýstar úshin arnaıy jolaqtar 100 shaqyrym deıin jetedi. Aqyly kólik turaǵy 10 myń oryn bolady. Metronyń eki beketiniń, BRT jelisiniń qurylystary jalǵasyp, LRT engizýge daıyndyqtar júrýde.Qalada Orbıta yqsham aýdanynan Kók bazarǵa deıin velodáliz jasalady, velostansıalar sany 200 deıin barady, bularda 1700 velosıped bolady. Jyl aıaǵyna deıin 102 ótpeli joldy túnde jaryqpen qamtamasyz etý júzege asady.
Qalaǵa qosylǵan Naýryzbaı aýdanynda 188 km jolǵa asfált tóseledi, 64 páterli turǵyn úı ortalyq jylýmen qamtylady. MJÁ esebinen 2 mektep, 3 emhana,33 bala baqsha,17 sport jáne balalar alańdary salyndy. Jyl aıaǵyna deıin 123 km sý qubyry, 80 shaqyrym káriz jelisi júzege asady, 2018 jyly 135 shaqyrym elektr jelisi jaryq beretin bolady. Aýdan 100 paıyz gazben qamtylǵan.
2015 jylǵy sel zardaptaryn joıý úshin Qarǵaly ózeniniń arnasy qaıta jasaldy, jaǵalaýlar myqty bekitildi,aýdan turyndary úshin jańa demalys oryndary ashyldy.
"Memleket basshysynyń tapsyrmasyna saı Naýryzbaı aýdanyn kezeń boıynsha damytý barysynda aýdan ákimdigi men İİB ǵımaraty iske qosyldy. "Týǵanjer" baǵdarlamasy boıynsha shilde aıynyń basynda "Zavod Elektrokabel" JSHS bólgen 1,2 mıllıard teńge qarjyǵa salynǵan 500 adam qatynaıtyn kópfýnksıonaldy emhana iske qosyldy.1 qyrkúıekte "Sábı" jeke qaıyrymdylyq qory bólgen 1,4 mıllıard teńgege salynǵan 1200 oryndy mektep ashylady", - dedi qalalyq ákimdiktegiler.
Tamyz aıynyń sońyna deıin memlekettik tabystar basqarmasynyń, sot, prokýratýra, Qazposhta,bank, zeınetaqy tóleý ortalyǵy, táýligine myń adamǵa qyzmet kórsetetin HQKO-nyń ǵımaraty paıdalanýǵa beriledi. "Nurly JerE baǵdarlamasy boıynsha 1,5 myń páterli 21 turǵyn úıdiń qurylysy bastalady. Bıylǵy jyldyń qyrkúıek aıynda 496 7 turǵyn úı paıdalanýǵa beriledi.
