Jurttyń tabysyn zerttep, eseptep otyratyn áıgili Forbes jýrnaly álemdegi eń aýqatty sportshylardyń tizimin jasady. Sol tizimge súıenetin bolsaq, madrıdtik "Realdyń" shabýylshysy álemdegi eń tabysy kóp sportshy atandy dep habarlaıdy Qamshy.kz aqparat agenttigi vesti.kz-ke cilteme dasaı otyryp.

Forbes jýrnaly óziniń zertteýinde, sportshylardyń bir jyldyq tabysy men olardyń jarnamadan túsken paıdasyn qosa eseptepti. Sonyń qorytyndysy boıynsha, keshe ǵana 5 oıynnan shettetilgen "Realdyń" shabýylshysy Krıshtıaný Ronaldý 93 mıllıon dollar tabyspen ál-aýqaty zor degen sportshylardyń kóshin bastady. 31 jastaǵy shabýylshy ótken jyly 35 mıllıon dollaryn jalaqy retinde alsa, 58 mıllıon kirisin jarnamadan túsirgen. 

Ekinshi satyda basketbolshy LeBron Djeıms jaıǵasqan. Onyń tabysy 86,2 mıllıon dollar. "Klıvlend Kaveler" klýbynyń shabýylshysynyń jalaqysy 55 mıllıon dollar bolsa, 32,2 mıllıon dollar jarnamadan túsken. 

Úzdik úshtikti katalonıalyq "Barselonanyń" shabýylshysy Lıonel Messı túıindep tur. Onyń jalpy tabysy 80 mıllıon dollardy qurady.