AQSH vıse-prezıdenti Maık Pens Venesýeladaǵy demokratıanyń qaıta qalpyna kelýi úshin Qurama Shtattar ekonomıkalyq jáne dıplomatıalyq sharalardy qabyldaýǵa daıyn ekenin málimdedi dep habarlaıdy Qamshy.kz aqparat agenttigi. Penstiń aıtýynsha, eldegi saıası ahýal Amerıka halqynyń qaýipsizdigine nuqsan keltiredi.
Ótken aptada AQSH prezıdenti Donald Tramp Venesýelaǵa áskerı aralasý jóninde eskertý jasaǵan. Karakas muny: «Dushpandyqtyń eń soraqy akti» dep ataǵan.
Aıta keteıik, Venesýelada áleýmettik-ekonomıkalyq daǵdarys pen halyq tolqýy jalǵasyp keledi. El prezıdenti Nıkolas Madýronyń úkimeti jańa Konstıtýsıalyq assambleıa qurǵan. Bul zańnamanyń negizinde parlamentti moıyndamaý jatyr. Aıǵa jalǵasqan tóńkeristiń saldarynan 120-ǵa jýyq adam qaza tapty.
