Malıde lańkester Birikken Ulttar Uıymynyń ókildigine shabýyl jasap, 7 adam qaza tapty dep habarlaıdy Qamshy.kz aqparat agenttigi sheteldik BAQ-qa silteme jasap. Taǵy 6 bitimger jaralanǵan.

Qaza tapqandardyń bireýi uıym qyzmetkeri, biri polısıa qyzmetkeri, qalǵany jergilikti kúzetshiler. Oqıǵa eldiń soltústigindegi Tımbýktý qalasynda boldy. Sodyrlar kólikpen kelip, bitimgerlerdiń bazasyn atqylaǵan. Osydan keıin atys bastalyp, áskerıler barlyq 6 lańkestiń kózin joıdy.

Aıta keteıik, sodyrlar keshe ǵana Dýensa qalasyndaǵy bitimgerler bazasyna shabýyl jasap, 2 adamdy óltirip ketken edi. Resmı derekke qaraǵanda, ótken jyly bul elde lańkesterdiń qolynan 100 bitimger qaza tapqan. Sondyqtan BUU-nyń Malıdegi ókildigi álemdegi qaýipti mısıalardyń biri sanalady.