EKSPO-2017 halyqaralyq kórmesinde Afrıka Ulttyq kúni aıasynda afrıkalyq pavılonnyń meımandary qara jorǵa bıin bıledi, dep habarlaıdy Qamshy.kz aqparat agenttigi.

Odan bólek daýylpazdarmen túrli áýender somdalyp, sahnada Afrıka halqynyń dástúrli bıleri de oryndaldy.  

Dástúrli flańtan keıin sahna tórine afrıkalyq pavılonnyń komısary Fılıp Konte shyqty.

«Afrıkaǵa kelińizder. Biraq bizdiń mıneraldardy óndirip, óz elderińizdiń paıdasyn kózdeý úshin kelýdiń qajeti joq. Investısıa jasap, teń dárejede jumys isteýge kelińizder», - dedi Konte.

Sondaı-aq, EKSPO-2017 kórmesine shaqyrtý alǵandary úshin qazaq halqyna alǵysyn bildirdi. Afrıkanyń ulttyq kúninde eldiń dástúrin tamashalaý úshin qalyń buqaranyń jınalǵanyna qýanyshty ekenin jetkizdi.

Vıdeo: inform.kz