Portýgalıanyń Madeıra aralynda 12 adam qulaǵan aǵashtyń astynda qalyp mert boldy dep habarlaıdy Qamshy.kz aqparat agenttigi Laıf.rý-ǵa silteme jasap. Taǵy 35-i jaraqattanǵan. Qulaǵan aǵash – eki júz jyl boıy ósip turǵan alyp emen.
Oqıǵa Fýnshal qalasyndaǵy dinı meıram kezinde boldy. Jornal de Noticias (Djornal de Notısıa) derekteri boıynsha, aǵash maısham satatyn dúńgirshekke qulaǵan. Zardap shekkenderdiń arasynda kishkentaı balalar da bar. Olardyń kópshiliginiń bas súıegine zaqym kelip, mılary shaıqalǵan.
